#商台 公佈「我最喜愛歌曲」最後十強。 以下係各首歌曲同歌手喺抗爭運動嘅取態： Pretty Crazy - 容祖兒 (愛國藍) Reflection - MIRROR (局部黃) 一號種籽 - 姜濤 (無表態，但係唔小心著黑衫戴口罩俾警察搜過身) 人話 - 方皓玟 (黃到閃) 另一個諾貝爾 - 陳卓賢 (無表態) 未來見 - RB (黃到發光) 我們都是這樣長大的 - 鄭秀文 (無表態) 我們與愛的距離 - 許廷鏗 (好鬼黃) 空手而來 - 張敬軒 (曾經黃，跪低咗) 最後的信仰 - 林二汶 (黃到金) #叱咤 #903
肺炎肆虐，各行各業都炒人，據知，商台都要向員工開刀，在商台工作20年的DJ細So（蘇耀宗)，今日收大信封，被商台解僱，今晚做完最後一集節目《生活日常》就拜拜。 細So接受《蘋果》電話訪問表示，「公司理由話經濟差要cut人，我係被裁一個，今日收到信，有遣散費，計埋part time喺商台做咗20年，我就覺得冇人情味，但冇話傷心，只係失望，冇得每日做節目。」 有指細So曾頂撞上司，他坦言：「最近因為疫情關係，要共用一支咪同電腦，我同公司有啲意見，我提出要注重衞生同消毒，係咪要選擇work from home？爭拗咗好耐，疫情發生之後，公司畀大家兩星期work from home，3月開始要再返公司，而家有啲人可以繼續喺屋企做嘢，但唔係全部同事。我覺得冇理由將公司利益凌駕員工安全之上。」 另外還有減薪問題，細So說：「因為no pay leave，返6日工，其中一日冇pay，但冇leave，繼續要準備節目出街。」今晚細So不用返商台，在家中做最後一日節目，他說：「感受係失望，以後冇得再做音樂節目，對我同聽眾嚟講，冇咗呢個20年習慣！」 而商業電台對外事務部回應《蘋果》，確認與蘇先生終止僱員合約，今天生效：「因應現時經濟環境狀況及前景的預測，商台已作出了資源重組。」 細So畢業於理工大學，他亦是商台節目《森美移動》成員之一，成員包括森美、詹志文及陳強，2006年與DJ同事阿Wing結婚，2009年因性格不合，低調離婚，阿Wing翌年嫁給商台高層林若寧，2011年細So與旅遊記者陳穎楠結婚，婚後育有兩子。 #細So #商台 #森美移動
潘小濤正式離開商台了... #商台 #潘小濤 #在晴朗的一天出發
商台DJ麻利與鄭裕玲一起主持電台節目《口水多過浪花》，5月時在社交網站中出post，希望大家重視「咬字」問題，不過分享後卻惹來一眾姜濤fans「對號入座」，留言叫麻利不要單打姜濤，令麻利忍不住連續出post反擊，之後姜濤為「姜糖」行為道歉。 事隔4個月，有傳MIRROR fans又出動，今次就係成員盧瀚霆（Anson Lo）的歌迷。事緣DJ梁文禮昨晚以「粉絲行為．偶像埋單」為題出post，指903所有DJ，甚至連「Do姐」鄭裕玲都收到某歌迷的私訊，質問他們為甚麼收禮物後，不播放自己偶像的歌，更表示若支持的偶像在1月1日拿不到獎，就不會再支持商台。 梁文禮就反擊此舉根本是賄選：「首先DJ因為收到禮物，而去播歌已經唔啱，屬於『賄賂行為』 ；另外我哋唔頒獎畀你偶像就唔支持，呢方面係『威脅』。仲有首新歌本身並唔係零播放，亦有上榜。」梁文禮指今次將事件公佈，主要是各商台DJ收到該訊息後均覺得相當反感，希望歌迷們可以用更有智慧的手法去支持偶像。 雖然梁文禮沒有指名道姓，據《蘋果》得知，今次是MIRROR成員Anson Lo的歌迷，因不滿903的DJ只播MIRROR另一成員Anson Kong（江𤒹生）的新歌而引起事件，該名歌迷更寸Anson Kong唱歌經常走音及靠黐DJ上位。 Anson Lo因fans行為搞到要「埋單」，雖然未有道歉，不過他在IG story連環出post，表示有機會出歌已值得感恩：「其他的考慮或許看似重要，但其實都是其次。」至於無辜被牽連的Anson Kong，反而主動為受影響的人致歉。就此事，《蘋果》下午曾聯絡經理人花姐，但至今仍未有回應。其後花姐回覆：「其實發生咗呢件事之後，我哋都有搵唔同嘅fans了解，之後發覺原來呢個係鬼account，AK同阿Lo都為咗呢件事，分別向受到騷擾嘅DJ解釋，當然亦為事件同佢哋道歉。」她還說：「Anson Lo 同AK唔會因為今次事件影響感情。」 《蘋果》亦就此事問到DJ麻利，她承認曾收到fans短訊，覺得此事與歌手無關：「唔關歌手事啦，點會亂咁嬲人，小朋友咩？」DJ雲妮亦承認收到該私訊：「我覺得偏激，所以block咗。」森美就表示沒有收到私訊，更笑言：「可能我已經唔屬於商台啦。」 姜濤身在台灣拍劇，加上剛推出新歌，他得知此事亦有感而發，出post稱明白並非所有人喜歡自己的歌曲：「無論最後歌曲本身得獎與否，我覺得都是其次。」麻利事後亦有轉發姜濤的post，並以「優秀的男生」來讚他有想法及有同理心。 #VIUTV #Mirror #ANSONLO #ANSONKONG #商台 #叱咤903 其實講真, 兩位ANSON都冇資格拎, 係都呀JER拎先
電台DJ兼旅遊達人謝茜嘉，最近激罕喺社交網放閃，上載與一男子行山相，兩人Sweet爆對望，一睇就知係情人關係！雖然佢只留言：「一場嚟到，影張囉。」不過已引來一大班圈中人包括連詩雅、周柏豪、許廷鏗等派心心讚好！據知，原來男友已向佢求婚成功，恭喜晒！ 男友係摩洛哥人，係上年謝茜嘉去當地旅遊認識嘅導遊，兩人擦出愛火花發展異地戀，男友仲喺疫情下排除萬難來港向佢求婚，謝茜嘉終於脫離「盛女」行列，唔止做摩洛哥新娘，仲會離開電台移民當地，兩公婆拍住上搞生意！而最近佢忙緊準備明年1月1日舉行嘅頒獎禮，婚禮將於頒獎禮後先舉行。 現年43歲嘅謝茜嘉原名何紀秋，喜愛旅遊，係電台主持及高層，曾為無綫拍攝旅遊特輯《愛在斐濟Bula時》、《茜嘉團遊印度》等，與周國賢、洪卓立及C AllStar等歌手同行，早年更喺台灣宜蘭搞民宿！ #謝茜嘉 #商台 #叱咤 #叱咤903 #DJ 實在恭喜！！！
上網有啲人會鬧商台變質，又鬧商台造馬，又鬧佢哋小圈子。我明白的，那有一個商業機構沒有自己嘅考量？叱咤事實給予咗唔少香港獨立音樂人，樂隊好大嘅支持，其中一個就係Rubber Band，由出道到今時今日商台都係好Support佢哋，Compare with 其他電台/電視台，根一個咁Support佢地。但係我會覺得即使你話佢偏心又好，而家仲會一心一意去做本地音樂，不奶共嘅音樂人仲有幾多個呢？證明咗一樣嘢就係商台冇支持錯人，就算佢係黃，商台都係照頒個獎俾佢哋，試問而家仲有幾多個頒獎禮仲做到呢件事？我可以話叱咤已經係咁多個台做得最好嘅一個，我唔敢話謹存，但至少昔日4個台嘅頒獎禮，做得最好既一定係商台。 #商台 #叱咤 #RubberBand #Simplelovesong #本地音樂 #廣東歌 #獨立音樂
「我丈夫係摩洛哥人，溝通方法主要係用英文同身體語言（呢個必然啦），不過佢本人係講法文同埋個姓氏係阿拉伯文，Annouhi （直譯：阿嚕嘻），所以從此喜歡的話可以叫我『阿太！』」 就有傳媒吹晒風咁講，嘉姐之後會「嫁雞隨雞」離開商台，嘉姐就明確表示：「今年（2021年）仲有好多嘢想做，我冇講過告別商台，除非梁文禮踢我走！」，不點名暗示佢放完假之後就會有好多job、video交畀本台處理。 恭喜晒謝茜嘉！ #商台 #謝茜嘉 #電台
想睇八卦娛樂嘢？入嚟一齊傾吓囉！
鍾意聽音樂嘅你💘一齊Share吓好歌💓 #音樂 #music
ViuTV 節目討論 🦉 禁止刻意討論 TVB 節目🚫 違貼即刪
Close: Mon - Thu, Sat - Sun Opening: Fri (11:30 - 12:00)
29 Followers
0 Followings
437 feeds
:background_color(white)/https://avatar-storage.neard.com/profile_avatar_illustration-08.png){kind=avatar}
175 Followers
0 Followings
251 feeds
:background_color(white)/https://avatar-storage.neard.com/88f8736f2964c0264ec28eba26431811.20190418160621.1555603581.6917.jpeg)
29 Followers
0 Followings
150 feeds
:background_color(white)/https://avatar-storage.neard.com/5c0549a6e4180f2896b51d13268f6d95.20190711112944.1562844584.6015.jpeg)
114 Followers
1 Followings
900 feeds
:background_color(white)/https://avatar-storage.neard.com/498836859ffaf4b3385261db7dd69742.jpg)
4 Followers
0 Followings
72 feeds
:background_color(white)/https://avatar-storage.neard.com/profile_avatar_illustration-10.png){kind=avatar}
0 Followers
0 Followings
34 feeds
:background_color(white)/https://avatar-storage.neard.com/profile.3724.1636749430950.png)
15 Followers
1 Followings
238 feeds
:background_color(white)/https://avatar-storage.neard.com/4816fdeff6c69bec54d7603497ca1f5b.20210123030934.1611371374.0794.jpeg)
2 Followers
7 Followings
27 feeds
:background_color(white)/https://avatar-storage.neard.com/profile.13959.1636851610513.png)
9 Followers
1 Followings
23 feeds
:background_color(white)/https://avatar-storage.neard.com/profile.16272.1636874408360.png)