KFC嘅葡撻一直係長期招牌，受歡迎程度甚至被網民戲稱係「被炸雞耽誤嘅葡撻店」。有見及此，台灣KFC推出咗全球首部「葡撻自動販賣機」，機身具保溫功能，每小時會由隔離嘅數位旗艦門市補貨直送，令大家無時無刻都食到新鮮熱辣嘅葡撻。而價格同門市相同，仲有3款選擇，暫時只得一部設於桃園高鐵站，要視乎銷情再決定會唔會擴充至全台，唔知遲啲香港會唔會有返部呢！ 「KFC 蛋撻 to Go」 地址︰台灣桃園市中壢區高鐵北路一段 6 號 (桃園高鐵站 8 號出口) 價錢︰NT$35/1個、NT$70/2個、NT$185/原味蛋撻禮盒（6個裝） (相片來源︰KFC肯德基-桃園高鐵餐廳@FB) #KFC #台灣KFC #葡撻 #被炸雞耽誤嘅葡撻店