#匯控

假如2年前… 1,200萬all-in買滙豐…… 「昔日股王」滙豐(005)剎停派息，股價跌到七個一皮，今朝40蚊都穿過，為9厘息而追捧的散戶，眼淚想必是在心裡流了。但你有無諗過，假如在2年前，將全副身家1,200萬all-in買滙豐，揸到今日又會點呢？ 有心水清的網友，今朝就cap圖send畀小編，話說湯博士在2018年3月30日出post，指有一對年輕夫婦，本身打算用2,000萬買個住宅單位，但覺得樓價太貴，又見湯博士話「滙豐三年內可升至150元」，於是將「準備買樓的首期連印花稅大約1,200萬，全部買哂滙豐…」湯博士仲自豪地話「兩公婆昨晚睡得很甜，所以發短訊多謝我。」 打開報價機，2018年3月底，滙豐股價為74蚊，計及除息因素後是65.2元，今日滙豐……跌到40蚊，揸兩年的話，計埋收息都要蝕38.7%！1,200萬all-in滙豐2年，今日大約得番735.6萬銀，大拿拿460幾萬呀~~~嗚呀~~~~~~ 小編再去代理網頁，搵番2018年的樓市成交資料，發現當年4月初，1,200萬可以full-pay買一個太古城實呎593呎的中層單位。時至今日，1,200萬依然可以full-pay買到相約呎數的太古城單位，但如果得番700幾萬……都ok嘅，造6成首期，另外4成慢慢供。 唔知兩年前湯博士口中睡得很甜的兩公婆，今日仲有無揸住滙豐呢？ #匯控

我插！我插！我插插插！ #HSBC #匯豐 #匯控

2008 年 - 33 蚊 #匯控

踢爆滙豐維權組織真面目 劏房「業主會」教人借私貸炒燶滙豐 #匯控 滙豐控股（005）停派息惹起小股東不滿，以香港中小型業主會（下稱：業主會）創辦人呂宇健（Ken Sir）為首突然組成滙豐小股權權益大聯盟，掀起一場維權運動。不過有業主會中人向《蘋果》踢爆，原來這個會過去多年教一班學員以所謂「loop loop loop大法」方式借私貸及銀行透支額度（Overdraft Line）投資高息滙豐，惟滙控剎停派息令到這個「loop」中斷，惹起學員不滿，遂施壓Ken Sir掀起運動。 近年不斷舉辦開班教授投資物業的香港中小型業主會招攬會員眾多，除教人將物業變成劏房及投資車位，更教人用複雜財技買滙豐自製所謂被動收入。 曾報讀Ken Sir「時間自由班」的學員阿文（化名）踢爆，投資班基本上只教兩招投資大法，一是借錢買滙豐，二是炒劏房，「佢只會鼓吹人買一隻股票，就係滙豐，因為得佢派息能夠玩到loop loop loop大法。依家滙豐唔派息，一班學員損失慘重。」 借私貸以3倍孖展掃滙豐收息 所謂「loop loop loop大法」，簡而言之是透過借貸不斷買入滙豐，只要維持6厘以上股息率、較貸款利率為高，就能食盡息差，「假設借50萬私貸，分5年還，每月大概還9,000元，再將50萬做孖展槓桿到3倍買滙豐150萬元貨。滙豐維持6厘息嘅話，每年就有10.5萬股息還私人貸款，股價5年之後冇升冇跌，還完私人貸款仲有50萬市值嘅滙豐股票。」 根據本報獲得Ken Sir的上堂照片顯示，其「高階版」槓桿心法投資風險極高。先撇除滙豐股價變動，若要成功實踐，前設是滙豐5年內維持6厘派息率，而且要取得低息私貸。阿文指，這亦說明Ken Sir為何會教學生先「做靚」自己信貸報告，用以獲得大額私貸。 據業主會網頁的「學員見證」顯示，的確有不少學員提及類似的槓桿投資財技，包括一名第18班學員Ronald指：「短短呢四個月，邊學邊做。我一口氣cut晒十幾張信用卡，還晒啲私人貸款，信貸評級由C跳到上A ，準備一筆大啲嘅私人貸款去買一些投資產品製造息差 。」說法與阿文提及的借錢買滙豐手法吻合。 「根本係一個宗教，啲同學好白癡」 滙豐煞停派息，隨即令環環雙扣的loop中斷，大批學員頓時蝕到入肉。「根本業主會係一個宗教，啲同學好白癡，Ken Sir講咩真係照跟。好多人係滙豐60蚊時借錢買，依家滙豐大跌唔派息，條數點還？所以一輸就好甘。」 阿文續指，自己上過一段時間投資班後，發覺所授方法「踩鋼線、走法律罅」，風險極高，故自己未有跟隨，但其實前後已花近10萬元學費報讀。「睇返係一場層壓式騙局，好多投資方法係唔道德，當然投資係有風險要承擔，但你唔係咁樣教人借私貸倍大佢。」 阿文又說，Ken Sir上堂從來不會派筆記，資料只會於堂上播放。投資班每班有幾十名學員，官網更聲稱已有2萬名學員，但以他過往所見，不少人只是「無錢嘅廿幾歲後生仔」，對於Ken Sir借錢投資的心法深信不疑。「半年前滙豐50蚊左右，Ken Sir話個會已經有2至3億元市值滙豐，你就可以想像到有幾多人跟買。」 滙豐大跌後，Ken Sir於業主會群組聲稱已於40元盡沽，現只留一手滙豐。「咁個Group梗係有人不滿，但我會話佢做得好好，為咗逃避學員追討投資建議責任，識得帶頭企出嚟聲討，將責任轉移返比滙豐，又變返同一陣線。」 由Ken Sir為首的滙豐小股東權益大聯盟，昨日聯同兩位小股東召開記者會，批評滙豐未有履行承諾派息。本報記者在記者會上問到開班教借貸炒滙豐事宜，Ken Sir回應指，「我哋未清楚呢個係咩訊息，所以我哋暫時不能披露。」然後離去。本報正透過業主會公關擬獲得更多詳情，惟暫未回覆。 滙豐維權記者會疑搵股東做「媒」 事實上，昨日出席滙豐小股東權益大聯盟記者會的代表，原來幾近全為業主會骨幹成員。阿文指，除卻無法辨認「包到冚」的所謂小股東黃女士之外，其他人包括是Ken Sir基金公司及教炒期權的拍檔等，甚至連在台上梨花帶雨、自稱是滙豐苦主的「李女士」，亦在業主會負責「舊樓重建」部份。 未有申報其利益關係的「李女士」記招後接受本報訪問時，亦企圖裝成獨立股東，「我喺Facebook見到佢哋呢啲群組（滙豐小股東權益大聯盟群組），即刻就入去」。她又指，滙豐不派發2019年末期息的做法，等同迫小股東，「可唔可以話係迫我哋去跳樓呀？可唔可以話係迫我哋呢啲退休人士，拎埋老本陪你哋玩呀？而家根本上係一浸一浸咁搣我哋，一浸一浸咁打劫我哋」，她激動地指對退休生活失去預算，又無力與滙豐周旋。 不過，本報在業主會Facebook上載的影片發現，一位相貌與「李女士」有9成9相似、名為Karen To的女士，曾拍片多謝Ken Sir為她帶來啟發，片中指「Ken Sir比（畀）我諗到另外一種退休之後嘅生活，喺（係）可以操控係（喺）自己手中」，估計是業主會學員之一。而該影片亦於記者會完結當日傍晚被刪除。本報就事件向記者會公關查詢，未獲回覆。 Ken Sir在記者會後，亦兩度撇清滙豐小股東權益大聯盟與業主會的關係，「我旗下所有公司，包括寶庭重建及中小型業主會係呢件事上面係冇任何身份」，又指自己唯一身份是滙豐股東，稱就今次事件，「我個人少收嘅金額超過300萬元」，但無披露最新持股。 官地市場「冒起新星」 寶庭屯門地1萬呎劏15幢排屋 由Ken Sir創辦的業主會，近年不斷舉辦開班教授投資物業，包括將物業變成劏房及投資車位，招攬會員眾多，近年更成為官地市場「冒起新星」。 與該業主會有關聯的寶庭重建，兩年前踏足官地，以8,319萬元投得屯門藍地福亨村地皮，索性自己起「劏房」，將僅1萬方呎樓面，向城規會申請建15幢排屋，每伙不足700方呎兼設車庫，該會曾指屯門地皮建成後，或以成本價賣予有關聯的香港中小型業主會會員。 2018年10月，當時政府推出山頂文輝道地王招標，因出價未達政府底價而「難產」收場，流標後同月，樓市觀望氣氛濃厚，政府推出屯門藍地福亨村地皮出售，只收三份標書，反應極為冷淡，寶庭集團則為入標財團之一，在淡市下高於市場上限達17%，以8,319萬元投得地皮，每方呎樓面地價8,188元，取態非常進取。 寶庭集團「食髓知味」，隨後多次在官地投標出手，屬傳統大孖沙投地之外，近年冒起的競爭對手。寶庭曾入標地如油塘高超道地皮及啟德地皮，入標代表袁銘琛於入標啟德地時更直言是「乘勝追擊」。並稱是夥拍本地基金合資投標啟德地皮，又指往後會以這個模式投地。 翻查公司註冊處資料，寶庭集團控股有限公司董事包括袁裕深、呂宇健、何璟芸、陳敏儀、溫業鋒。去年9月，寶庭集團易名元亨創業集團有限公司。

呢啲人輸打贏要，不如唔好買 #匯控

買嘅時候冇諗過跌？ 外表五十，行為十五 #匯控

hsbc升返上30元！ #股票 #匯豐 #匯控

《經濟通通訊社２５日專訊》匯控（００００５）公布，於１０月３０日向巴黎交易所提交的退市申請已獲批，因此將於１２月２２日退市。 集團指，退市是經過對巴黎交易所的交易量、成本等因素考量後所作出的決定，不會影響匯控在法國和歐洲的業務，亦不會影響集團在香港、倫敦、紐約等交易所的上市業務。（ｓｋ） etnet.com.hk/www/tc/news/categorized_news_detail.php?category=latest&newsid=ETN301125592 #匯控 #匯豐 #00005

匯控（００００５）將於１２月２２日從巴黎交易所退市

滙控行政總裁周二接受英國會質詢 料涉凍結許智峰戶口 滙豐控股高層將接受英國國會質詢。 英國外交事務委員會將於周二下午兩時半，即是香港時間晚上十時半舉行會議，滙控行政總裁祈耀年及首席法規部主管將會出席。 前立法會議員許智峰在社交平台表示，今次會議將就滙控凍結他及其他港人、教會、組織的銀行戶口事宜，要求滙控高層提供口頭證供，並接受議員質詢。 #HSBC #匯控 #匯豐銀行