【愛回家人物】「根叔」劉丹拍過4千幾集處境劇 仲選過立法會？！ TVB雙線劇唔再係收視保證，反而處境劇《愛回家之開心速遞》先係台柱，好多時都成為全周收視之冠。 講《開心速遞》骨幹角色，一定唔少得飾演根叔（熊樹根）嘅劉丹。人稱丹爺嘅劉丹，70年代加入電視圈，演過多套劇集，但係最為人熟悉嘅，應該係《真情》嘅「叉燒炳」同埋第一輯《愛回家》嘅「馬虎」。無獨有偶都係處境劇，如果計埋丹爺其他參演過嘅《皆大歡喜》、《畢打自己人》、《天天天晴》等，估計佢演出嘅處境劇超過4000集，可以話係香港「處境劇之王」。 近年劉丹另一個為人熟悉嘅演出，可能係《天與地》入面演工會領袖江兆泉，劇情仲交代泉叔同鼓佬（劉俊雄，林保怡飾）同組名單參選立法會。而現實生活中，丹爺真係有從政經驗，加入過自由黨，2000－07年獲委任成為西貢區議會議員，仲喺2000年立法會選舉，以真名劉慶基代表自由黨出戰新界東分區直選，不過最後得到一萬五千幾票，未能入局。《天與地》監製戚其義拍攝期間，曾經向有參選經驗嘅丹爺請教。 丹爺入過自由黨!!!!!!!!!!!!! hk.celebrity.yahoo.com/愛回家人物根叔劉丹拍過-4-千幾集處境劇-仲選過立法會-072349377.html #劉丹 #自由黨
:extract_cover()/https://meta-storage.neard.com/54b53072540eeeb8f8e9343e71f28176.20201024100117.1603533677.31.jpeg)
:background_color(white)/https://avatar-storage.neard.com/91d5992ce0bc02ba68606f85a9d2226e.20200809110233.1596970953.9011.jpeg)
:background_color(white)/https://avatar-storage.neard.com/60efd20bae14be179c0c8bc4c380c272.20210110233345.1610321625.8645.jpeg)
:background_color(white)/https://avatar-storage.neard.com/a29522d80c5ecc7856724a6db9e4a4d8.20200918065129.1600411889.1257.png)