🏨 香港美食 / 自助餐 / 酒店 / 飲食優惠情報分享 😋

🏨 香港美食 / 自助餐 / 酒店 / 飲食優惠情報分享 😋

#staycation #hongkong #foodie #buffet

China

Hong Kong

New Territories

Sha Tin District

Sha Tin District

Sha Tin Town Centre

Tin Liu

Pak Hok Ting Street

Royal Park Hotel

Feeds

#壽司🍣 #蠔🦪 . 您哋認為壽司🍣同蠔🦪係唔係可以Crossover到呢 上星期攸桐爸同攸桐媽去咗附近搵食 搵到去東大街,見到一間小店有 呢2樣攸桐爸都鍾意❤️食 所以就入去啦! . Sushi Men x Oyster Men 📌筲箕灣筲箕灣東大街2號麗東海景豪苑1座地下2號舖 . 佢哋座位真的不是太多 可能係屋苑的地下鋪, 位置都會比較有限 不過呢個都唔係重點 最吸引我哋係壽司🍣同蠔🦪呀!!! 我哋點咗 ♦️ 2️⃣款蠔🦪 Tia Maraa (No.2) 同埋 Tarbouriech (No. 2) 首先講返Tia Maraa (No.2) 佢食落海水🌊味比較重啲,但係都係超級肥美,Yummy~ 而Tarbouriech (No. 2) 佢有另一個名叫 Pinky 點解佢會叫Pinky?因為佢蠔殼粉紅閃令令好靚架! 而佢嘅蠔肉圓潤,肥美又爽脆!正!! . 嚟到又點少得叫日本料理呢 ♦️ 雜錦刺身拼盤 我哋點咗三文魚,藍鰭吞拿魚,北海道牡丹蝦同埋帶子刺身 佢哋嘅食材真係好新鮮 牡丹蝦同帶子特別甜!YumYum!! ♦️ 軟殼蟹卷 您哋都肥到卷物都會比較細 但佢裡面非常豐盛 因為係滿滿嘅軟殼蟹🦀 而且軟殼蟹非常鬆脆又有濃郁🦀味 ♦️ 龍蝦風味壽司九 呢個真心超正!!!!👍🏻👍🏻👍🏻 龍蝦非常爽口彈牙 又好香龍蝦味!! 講明係”九” 佢嘅特色就好似熱狗(Hotdog)咁! 所以下面壽司🍣部分係有炸過架! 香脆可口,而食落又軟綿綿嘅感覺 所以真係好特別,又好花心思嘅菜式呀! ♦️ 碎蔥吞拿魚丼飯 呢個丼飯有一樣地方係同其他餐廳唔一樣嘅 係佢哋裡面會有一啲手切吞拿魚粒 咁樣食上壽係更加有口感 . 整體評分:最高為🟣🟣🟣🟣🟣 味道:🟣🟣🟣🟣🟣 服務:🟣🟣🟣🟣🟣 環境:🟣🟣🟣🟣 地點:🟣🟣🟣🟣 . 總括嚟講,Sushi Men x Oyster Men環境雖然比較細少 但佢哋食材非常新鮮,只是座位較少 亦都支持多個平台外賣! 而且佢哋啲蠔🦪真係街坊價 想係屋企食又得 係佢哋鋪頭食又得!! . Sushi Men x Oyster Men ••••••••••••••••••••••••••••••••••••••••••••••• . #攸桐媽飲飲食食遊蹤 #攸桐媽 #攸桐媽媽遊樂團 #zozimama #6B29production #路邊研究事務所 #6B29 #筲箕灣美食 #香港美食 #大小帳 #互追 #followforfollow #hk #hkmama #hkmami #二胎媽媽 #hkkol #foodie #hkfoodie ➖➖➖➖➖➖➖➖➖➖➖➖➖➖➖➖➖

帝苑酒店聯乘Musee Platinum Tokyo及Musee Medical Beauty Centre推出住宿優惠,「帝苑酒店 X MUSEE住宿優惠」最平二人房價 HK$1,450 起 ,即可入住豪華客房,一人享用Sky Club 45分鐘身體護理、一人迎賓茶和水療小吃、入住當日於行政酒廊免費享用二人午餐(查看6月份餐牌/5月及7月份餐牌),額外人士可加 $700享用45分鐘身體護理,另可於3樓雅苑座自助早餐,再送Musee禮品套裝!而住宿期間可享堂食自選餐牌及餐飲 8 折優惠(不適用於帝苑餅店)、健身室和 25 米長的天際水底音樂泳池。 - Musee 禮品套裝 1 份 - 免費1人享用 Sky Club 45分鐘身體護理 Sky Club 團隊將聯繫您預訂水療中心。如需查詢,請致電 2733 2800 與我們聯絡 - 免費1人迎賓茶和水療小吃 額外人士特別優惠:加 $700 可享用45分鐘身體護理 - 入住當天於行政酒廊免費享用2人午餐 用餐時間:中午12時正至下午2時正 - 免費享用三樓雅苑座自助早餐 當雅苑座未能提供服務,早餐會安排外賣盒早餐 - 在帝苑酒店惠顧堂食自選餐牌及餐飲可享8折優惠(上述優惠不適用於帝苑餅店) - 免費享用房間無線上網服務 - 免費享用健身室和25米長的天際恆溫水底音樂泳池* 尖沙咀帝苑酒店 地址:香港九龍尖沙咀東部麼地道 69 號 官網預訂網址: book-secure.com #著數 #jetso #優惠 #staycation #宅度假

If you want to know more friends in Hong Kong, you can give me contact information.

#慶祝 #都可以食Burger . 話說我同攸桐爸結婚週年紀念 諗唔到食咩好 佢問我食Burger🍔 好唔好? 我無問題呀
所以就去咗呢度~ . Burger's Friend Forever  📌九龍城啟德沐泰街9號嘉峯匯地下5號舖 . 佢哋座位真的不是太多 但座位都算幾寬敞 係啟德站行出去,好快就到啦!! 睇個餐牌見到有好多特色食物,都唔知叫咩好..... 結果我哋叫咗 ♦️ BFF小食拼盤 有雞翼,韓國🇰🇷脆雞粒,洋蔥🧅圈,一口芝士🧀同埋蕃薯🍠條 咁多樣我最鍾意❤️就係蕃薯🍠條 佢炸到脆卜卜食落口又有蕃薯🍠嘅甜味! 而其次就係韓國🇰🇷脆雞🐔粒同埋一口芝士🧀啦! 脆雞食落好Juicy又好有嫩滑,而一口芝士...好邪惡架... 諗起都想食! . 攸桐爸一向都鍾意食鵝肝,所以佢點咗 ♦️ 鵝肝安格斯漢堡 你哋睇吓塊鵝肝....好厚好大塊呀! 鵝肝入口即溶.... 而安格斯好淋好juicy又好有牛🐮味 個漢堡大到要分層食呀! . 我就點咗 ♦️ 菠蘿蝦🦐堡 呢個漢堡都係唔可以一口食哂 我都係要分層食 我分開咗3層食(好抵食) 燒菠蘿好清甜多汁 之後就到炸蝦🍤果一層啦 超彈牙又juicy(打實咗) 食咗個蝦🦐堡真係飽飽啦! . 攸桐爸好似未飽咁,仲叫咗小食🙈🙈 ♦️ 素麥樂雞塊 相比起韓國🇰🇷脆雞粒 素麥樂雞比較乾身 ♦️ 芝士忌廉焗菠菜大啡菇 呢個超好味呀!滿滿嘅菠菜再加大啡菇 可以食到蔬菜之餘又滿足到呢個邪惡! ♦️香橙合桃鴨胸沙律 好在唔係再嗌熟食咋 今次小食以蔬菜為主啱晒我口味啊! . 整體評分:最高為🟣🟣🟣🟣🟣 味道:🟣🟣🟣🟣🟣 服務:🟣🟣🟣🟣🟣 環境:🟣🟣🟣🟣 地點:🟣🟣🟣 . 總括嚟講,Burger's Friend Forever 環境雖然比較細少 但佢哋食材都非常新鮮可口 佢哋都支持多個外賣平台架! 唔親自去都可以叫返屋企食架! . @burgersfriendforever @burgers_friend_forever ••••••••••••••••••••••••••••••••••••••••••••••• . #攸桐媽飲飲食食遊蹤 #攸桐媽 #攸桐媽媽遊樂團 #zozimama #6B29production #路邊研究事務所 #6B29 #啟德美食 #香港美食 #大小帳 #互追 #followforfollow #hk #hkmama #hkmami #二胎媽媽 #hkkol #foodie #hkfoodie

neard.com/feeds/182138

#又想家鄉了 #即係想食咩 . 唔知點解攸桐媽我真係幾鍾意 #台灣 所以耐不耐都會想去食台灣食品架! 今次就去咗呢度搵食 . 哈豆 📌觀塘駿業里6號富利工業大廈3樓A室 . 一入到去,好有去咗家鄉嘅感覺 點解?因為見到好多好熟悉地方嘅壁畫同埋粉筆畫 出賣年齡系列....... 唔講咁多,佢食品都好有特色 ♦️ 百香果糖檸雞飯 大家都知百香果係甜甜酸酸 係,用佢呢個醬汁用嚟點雞 真係好有風味 因為雞塊已炸好,醬汁可以均勻沾上雞塊 我好鍾意甜甜酸酸,所以我就覺得好正啦 雞塊亦好鬆脆好嫩滑! 但朋友仔唔太鍾意,覺得佢酸咗啲! . ♦️ 五寶什錦乾拌麵 Wow…有好多餸呀! 有雞翼、豆腐、台灣香腸、花枝丸、貢丸等 真係超豐富呀~ 而且呢麻醬撈麵,真係好食到一個點呀😋😋 . ♦️ 三彩水餃🥟麵 大家一睇,可能會問,點解得2️⃣隻色就叫3️⃣彩? 原因係,果日佢哋太好賣,其中一個味道售完了 但唔緊要,呢2️⃣彩都好好味😋 1個係粟米🌽餃,另一個係韭菜餃 2個各有特色,粟米🌽餃清甜好味,韭菜餃又有超多韭菜呀! Yummy!!! . ♦️ 鮮梅豬扒滷肉飯 呢個飯同百香果個飯都有啲似 但呢個鮮梅醬比起百香果醬會比較無咁酸 適合大眾口味比較多 但佢個豬扒係非常鬆化同入味。 . 想食多幾樣,當然就會叫 ♦️ 炸物拼盤 有台灣香腸、鹽酥雞🐔、蝦🦐捲、丸子🧆同埋甘梅番薯🍠條 我就最欣賞甘梅番薯🍠條,佢有話梅嘅酸酸味嘅味道,但番薯🍠條又甜甜哋 佢哋唔會互相搶咗大家嘅味道,反而提升咗添!! . 大佬嚟啦 ♦️黑冰河畔溫泉♨️ 最上層有⓵球香芋雪糕🍦 之後就有一層自家製特濃黃豆粉花生奶蓋 (真係超香超軟滑,配合埋刨冰🍧食,味道啱啱好!) 刨冰🍧亦都配合咗低糖仙草糖水,味道唔會太甜,正!!! 不得不提佢嘅芋圓,超超超爽口同彈牙呀!!! . 整體評分:最高為🟣🟣🟣🟣🟣 味道:🟣🟣🟣🟣🟣 服務:🟣🟣🟣🟣🟣 環境:🟣🟣🟣🟣🟣 地點:🟣🟣🟣🟣 . 總括嚟講,哈豆出品超棒! 佢哋仲有個台灣朋友係度坐陣 感覺真係好似塊咗台灣咁~ 坐位都算多同寬敞 所以坐得好舒服呀!!! ••••••••••••••••••••••••••••••••••••••••••••••• #攸桐媽飲飲食食遊蹤 #攸桐媽 #攸桐媽媽遊樂團 #zozimama #6B29production #路邊研究事務所 #6B29 #觀塘美食 #香港美食 #大小帳 #互追 #followforfollow #hk #hkmama #hkmami #二胎媽媽 #hkkol #foodie #hkfoodie 

#太想家鄉了 #又食台式料理 . 最近有朋友話我知西灣河都有好好食嘅台灣料理 我又點會唔去試吓先~ . 幸福鍋 📌筲箕灣道57-87號太安樓地下G25號舖 . 大家一見到地址係太安樓 都知道店舖唔算太大 對呀,唔太大,但都算座得舒服架~ . 我同攸桐爸就點咗 ♦️ 幸福小食拼盤 點解成日都會點拼盤? 因為唔洗點諗又可以有好多嘢食嘛~ 拼盤有鹽酥雞,甜不辣,櫻花🌸蝦餅,雞卷,滷蛋, 香腸,地瓜條,炸花枝丸同埋麻辣鴨血! 幾多款式~ 不過我最鍾意❤️就係個雞卷 佢係醉雞卷嚟~ 非常入味又嫩滑~諗起又流口水🤤 . ♦️ 麻辣什錦牛肉鍋 唔好見到佢鍋仔細細,裡面超足料呀! 多牛肉都唔在講,仲有蜆,豬肉水餃🥟,花枝丸,鴨血等等 真係多到講唔哂~ 而佢啲牛肉新鮮,肉質鮮甜 我呢個鍋叫咗小辣,都已經好好味同辣度啱哂攸桐爸~ 呢個鍋仲有主食粉麵可以跟架 方便麵,寬條薯粉,粉絲米飯等 所以一個鍋都好夠飽呀! . ♦️ 士林鹽酥雞排便當🍱 呢個便當🍱都係主食可以有唔同嘅配搭 可以選古早滷肉飯或麻辣乾拌麵 份鹽酥雞排好大塊,雖然份開幾塊 但每塊都好大塊,呢個便當🍱好抵食呀 而且個麻辣乾拌麵非常有水準 麵條煙韌又夠入味 雞排肉質嫩滑!! . 整體評分:最高為🟣🟣🟣🟣🟣 味道:🟣🟣🟣🟣🟣 服務:🟣🟣🟣🟣🟣 環境:🟣🟣🟣🟣🟣 地點:🟣🟣🟣🟣🟣 . 總括嚟講,幸福鍋無論地點,食物出品超正! 坐位寬敞又舒服 不過都幾多人食架,所以想食嘅朋友仔要早啲去排隊啦~ ••••••••••••••••••••••••••••••••••••••••••••••• #攸桐媽飲飲食食遊蹤 #攸桐媽 #攸桐媽媽遊樂團 #zozimama #6B29production #路邊研究事務所 #6B29 #西灣河美食 #香港美食 #大小帳 #互追 #followforfollow #hk #hkmama #hkmami #二胎媽媽 #hkkol #foodie #hkfoodie 

#炸雞🍗 #估唔到係咩 . 早幾日朋友仔話好掛住佢 所以我哋就去食啦! 不過都真係值得再去食 因為佢個UFO雞盤真係又邪惡又好味😋 . Goobne Chicken (V Point ) 📌銅鑼灣登龍街18號V Point 25樓 . 上面都有講到,我今次係再訪 #Goobne 原因係有個朋友仔,見到我上次食得咁滋味 所以又再約我去食啦~ . 佢係因為佢要再去食,點少得佢吖 ♦️ UFO芝士火鍋🫕 呢個真係不得了~ 因為今次之個人去食 我哋叫咗一個火鍋再加一份雞 今次我哋叫咗3️⃣個味道嘅雞 ⓵果味醬油蒜香烤雞 ②韓式BBQ醬烤雞 ⓷蜜糖香滑烤雞 3️⃣個味道裡面,同芝士最夾嘅係蜜糖味 每種烤雞都係雞肉嫩滑且無油膩感。 正呀!!👍🏻 . ♦️ 炸醬炒年糕 唔好以為呢個只係得好煙韌嘅年糕呀 佢仲有爽口彈牙嘅魚糕同埋太陽🌞蛋~ 個自家製炸醬味道鹹甜適中 同年糕,魚🐟糕好配合 仲帶出魚🐟糕嘅鮮味!! . 食烤雞都要似下特色飲品嘅~ ♦️ 鯊魚🦈之淚(無酒精) 佢係一杯沙冰嚟~ 但最有特色係佢有一條鯊魚仔插係個杯度上枱 感覺好似係鯊魚仔喊緊咗呀~ ♦️ 藍莓🫐沙冰 ♦️ 芒果🥭沙冰 . 整體評分:最高為🟣🟣🟣🟣🟣 味道:🟣🟣🟣🟣🟣 服務:🟣🟣🟣🟣🟣 環境:🟣🟣🟣🟣🟣 地點:🟣🟣🟣🟣🟣 . 總括嚟講,Goobne Chicken無論地點,食物出品超正! 坐位寬敞又舒服,仲有個靚景可以打卡添呀! ••••••••••••••••••••••••••••••••••••••••••••••• #攸桐媽飲飲食食遊蹤 #攸桐媽 #攸桐媽媽遊樂團 #zozimama #6B29production #路邊研究事務所 #6B29 #銅鑼灣美食 #香港美食 #大小帳 #互追 #followforfollow #hk #hkmama #hkmami #二胎媽媽 #hkkol #foodie #hkfoodie

neard.com/feeds/183199

#又去食好西 #今次食海南雞 . 係香港🇭🇰生活節奏急促 好多事都係要快快快 所以連食嘢都係架 就因為咁,好多朋友仔都鍾意食海南雞飯 因為咁就可以快,又唔洗吐骨啦~ . 凱悅海南雞專門店 📌元朗教育路130號安樂樓地舖 . 我對海南雞飯喊你叫鍾愛,但係如果朋友食 咁我都OK嘅,可以係唔錯嘅選擇! . 我哋當然要食招牌菜 ♦️ 無骨海南雞🐔飯 呢個真係不得了~ 嚟到時,我見到佢啲海南雞 係比起一般見到嘅比較厚身 就算連埋雞皮食,都唔會覺得好油膩! 雞皮夠彈牙,雞肉又夠嫩滑! 正👍🏻👍🏻👍🏻 . ♦️ 無骨鹽水加積鴨🦆飯 我本身好少食鴨,因為覺得肉質好奇怪咁 但我哋都想試唔同嘢,所以今次都有叫 不過有驚喜和~ 佢啲鴨肉都嫩滑入味又無咩羶味! . 我同攸桐爸都鍾意食豆腐 ♦️ 瓣醬豆腐 呢個豆腐新鮮即炸 出到嚟熱辣辣 外脆內軟! 點埋豆瓣醬,真係正到.....暈! . 整體評分:最高為🟣🟣🟣🟣🟣 味道:🟣🟣🟣🟣🟣 服務:🟣🟣🟣🟣 環境:🟣🟣🟣🟣 地點:🟣🟣🟣 . 總括嚟講,凱悅海南雞專門店食物出品超正又夠快! 坐位寬敞又舒服! . ••••••••••••••••••••••••••••••••••••••••••••••• #攸桐媽飲飲食食遊蹤 #攸桐媽 #攸桐媽媽遊樂團 #zozimama #6B29production #路邊研究事務所 #6B29 #元朗美食 #香港美食 #凱悅海南雞專門店 #大小帳 #互追 #followforfollow #hk #hkmama #hkmami #二胎媽媽 #hkkol #foodie #hkfoodie

neard.com/feeds/183821

#燒雞翼 #我自細鍾意食 . 如題,唔知您哋又鍾唔鍾意食呢? 不過我唔算鍾愛,但都食得吓架 所以就同朋友仔去咗呢度 #搵食 . Wingman 📌旺角彌敦道594-596號旺角新城17樓 . 其實雞翼都係好大眾化嘅小食 但您哋嚟到呢度 就一次過滿足哂好多個願望啦! 點解?因為佢哋係超多口味選擇(大概有20款左右) 好多都好吸引,搞到有選擇困難症呀! 最後我哋都係叫咗個Netflix & Chill套餐 我哋可以選3款不同口味嘅雞翼! . ♦️ 咖啡☕️雞翼 咖啡☕️我一向都好鍾意 但之前無諗過係可以用落餸菜度 呢個口味嘅雞翼係雞翼上面撈咗啲咖啡粉 有咖啡嘅香味,食落又唔會有太濃嘅苦味 食起上嚟都幾特別! . ♦️ 日本🇯🇵蜂蜜🐝芥辣雞翼 聽起嚟都覺得個組合搞笑 因為又甜又鹹又辣咁 但其實佢係將蜜糖燒雞翼再加芥辣 一食落去都有Wasabi味 但佢仲有配一舊Wasabi比你 如果覺得唔夠,自己可以再加 但好估唔到,佢哋都個味道原來都幾夾架! . ♦️ 印度🇮🇳唐社里烤雞味 呢個口味嘅雞翼係用咗孜然粉,辣椒粉同埋印度🇮🇳香料混合而成 其實呢3種香料都比較重口味 佢食起嚟時有少少🤏🏻辣,但係非常惹味 食到你會想追住食落去架 . 整體嚟講,佢啲雞翼都好Juicy同埋唔會有雪味!👍🏻 . 套餐可以跟一款小食,於是我哋叫咗 ♦️ 黑松露薯條🍟 雖然啲薯條🍟係幼薯條 但係佢炸到剛剛好 點埋個黑松露沙律醬 一個字:正👍🏻👍🏻👍🏻👍🏻 . 整體評分:最高為🟣🟣🟣🟣🟣 味道:🟣🟣🟣🟣🟣 服務:🟣🟣🟣🟣 環境:🟣🟣🟣🟣 地點:🟣🟣🟣🟣🟣 . 總括嚟講,Wingman嘅雞翼口味真係超多! 要試哂咁多口味都要去幾次先可以! 坐位比較寬敞舒適,但燈光就比較暗 (可能想比食客有休息嘅感覺)😄 期待下次到訪! . Wingman HK ••••••••••••••••••••••••••••••••••••••••••••••• #攸桐媽飲飲食食遊蹤 #攸桐媽 #攸桐媽媽遊樂團 #zozimama #6B29production #路邊研究事務所 #6B29 #旺角美食 #香港美食 #wingman #wingmanhk #hk #hkmama #hkmami #二胎媽媽 #hkkol #foodie #hkfoodie

#泰好味 #你哋又鍾唔鍾意呢 . 其實我除咗鍾意食台灣嘢 我都鍾意食泰國🇹🇭嘢架 因為我都有啲鍾意食辣架‼️ . Thai Fire 📌觀塘開源道71號王子大廈9樓A號舖 . 去到門口有啲似去咗做SPA Relax 嘅感覺 入到去, 地方都好大呀 坐位非常寬敞優雅! 仲幾有泰國風味! . 我哋幾個點咗4️⃣個set lunch ♦️香辣🌶泰式🇹🇭豬扒🐷飯 呢個泰式豬扒好厚身又入味 食落好鬆化 醬汁都較多 連埋軟綿綿嘅飯一齊食 好味😋😋😋 . ♦️香葉肉碎煎蛋飯 呢個飯啱哂我呢啲懶人食呀~ 個肉碎好香好入味 食到覺得膩, 又可以食吓沙律中和一吓~ 整體呢個飯有少少辣惹味! . ♦️泰式青咖喱雞飯 呢個又係好味之選! 微辣, 而且好健康架 有南瓜, 有雞肉 最緊要好多汁, 用嚟撈飯 無得頂!! . ♦️香煎雞扒飯 塊雞扒煎到砰卜卜 點埋個泰式醬 酸酸同微辣~ Yummy~~~ . 跟set lunch 可以追加小食, 我哋叫咗 ♦️泰式魚餅 ♦️炸雞翼 ♦️泰式無骨鳳爪 ♦️泰式咖喱角 小食每款3️⃣件 啱哂可以同大家share食呀!!! . 我哋仲叫多咗幾個特飲~ ♦️玫瑰俠 (玫瑰荔枝梳打) ♦️泰火特飲 呢個好特別呀! So Cute!!! 有隻🐻冰冰 仲有好強嘅視覺效果 🐻下面係有2️⃣層 一層係紫藍色, 另一層係粉紅色架!! 非常打卡able! ♦️菠蘿沙冰 ♦️芒果沙冰 . 整體評分:最高為🟣🟣🟣🟣🟣 味道:🟣🟣🟣🟣 服務:🟣🟣🟣🟣🟣 環境:🟣🟣🟣🟣🟣 地點:🟣🟣🟣🟣 . 總括嚟講,Thai Fire嘅坐位寬敞 坐得好舒服呀! 不過大家要留意返, 佢哋個lunch menu 係會2個星期就轉一次! 所以大家都次次去都會有新鮮感! 佢哋晚上仲有私房菜同Happy Hour添!! . THAI FIRE Restaurant & Bar . ••••••••••••••••••••••••••••••••••••••••••••••• . #攸桐媽飲飲食食遊蹤 #攸桐媽 #攸桐媽媽遊樂團 #zozimama #6B29production #路邊研究事務所 #6B29 #ThaiFire #Thai #觀塘美食 #香港美食 #hk #hkmama #hkmami #二胎媽媽 #hkkol #foodie #hkfoodie

neard.com/feeds/184425

飲飲食食

飲飲食食

🏨 香港美食 / 自助餐 / 酒店 / 飲食優惠情報分享 😋

#staycation #hongkong #foodie #buffet

🏨 香港美食 / 自助餐 / 酒店 / 飲食優惠情報分享 😋

攸桐媽媽遊樂團

親子玩樂 X 美食料理 美容扮靚 X 好物分享 Giveaway 達人 多元化推介盡在 ~ 攸桐媽媽遊樂團 ~

攸桐媽媽遊樂團

KK

17 Followers

223 Followings

0 feeds

KK

Zozimama

260 Followers

1 Followings

159 feeds

Zozimama

Flora

3 Followers

0 Followings

3 feeds

Flora

Michael

13 Followers

0 Followings

2 feeds

Michael