似懂又非懂地睇咗兩次，兩次都竟然不約而同被一個女人吸引了。講緊嘅並非六呎金髮白皙高妹 (要J 呢個可請移玉步到《剋寡婦》(Widows) 唔該)，而係呢位印度銀髮族 Dimple Kapadia。​ ​ 一身傳統印度女服，為主角指點「TENET」迷津，看似有如Matrix 智者Oracle 嘅味道，但此刻仍然未講到最懾人之處。說話時一雙深邃嘅眼睛，有著對主角欲言又止嘅試探，呢一點先係最致命。搞到廢青一個唔小心，兩次都係咁唔小心，就被佢呢種眼神吸走😐以致差啲跟唔切信息量密集又快速嘅對白😵​ ​ 散場第一時間Google 下，原來人哋喺寶萊塢影壇，係比電影本身更傳奇嘅傳奇級巨星🤯出道成名時僅僅只有15歲，16歲旋即下嫁另一位超級巨星Rajesh Khanna 息影，相夫教女。寶萊塢影壇對已婚，甚至生過嘅女星總是苛刻，當然亦與男性主導嘅社會有莫大關係。但呢條「定劣」喺Dimple 身上不管用，復出銀幕反而更加亮眼，獨立堅強嘅形象更加延伸到藝術創作，成為印度影星嘅其中一個 icon。​ ​ "A masculine front in a man’s world has its uses." 呢句對白似乎亦係為佢度身訂造，身處寶萊塢，以及一部諜戰片裡，難怪能夠如此游刃有餘。放眼未來，真係會需要天能嗎？眼下所見，似乎大家最需要嘅係理清諗到頭都大埋嘅電影時間線。​ ​ #DimpleKapadia #Priya #tenet #天能