今晚香港首播嘅《歎息橋》係一套我期待已久嘅劇集，記得4年前viutv開台作《綠豆》嶄新嘅拍攝手法，完全令我眼前一亮。4年後《綠豆》團隊再度合作，今次佢哋用咗特別嘅講故事模式，每集分別用一位角色嘅視角講6位主角嘅恩怨。觀眾以上帝角度去睇故事，由6位角色嘅經歷去重組往事，解開當年嘅羅生門。唔單止講故事嘅方法獨特，呢套劇仲加入內地啲資金（聽聞係viutv budget最高嘅劇），所以請到一眾老戲骨同可以去比利時取景，加埋內地一致好評，吸引力爆燈。可惜我撞正考試，嚟緊都未必係睇直播，呢兩個星期都應該唔會寫到觀後感🙈。點都好大家今晚記得留意呢套劇喇，呢套值得一睇㗎！ PS:有觀眾話驚角色分年輕同中年版會好難認，所以擺咗張youku嘅角色關係圖係度，認人差嘅可以攞住幅圖嚟睇劇㗎😂 BY 港人講電視 #歎息橋 #ViuTV #港劇