Hi 爆房 Buddies ✋🏻 又係我房事達人啊 🙈 今次小妹出久違了嘅酒店介紹 😃 希望幫到想爆房嘅Buddies們喇 🥳 酒店：旺角智選假日酒店 智選假日酒店即係Holiday Inn，聽個名都知有啲名氣啦，講少少背景先。其實Holiday Inn係洲際酒店集團旗下嘅一個品牌，全世界有多達1,300嘅分酒店。而呢個旗下品牌主打係商務旅遊，即係For商務旅客啦，當然你唔係商務都得嘅。🤣🤣 小妹因為都幾鍾意呢個品牌，所以加入左洲際酒店集團IHG嘅會籍，有咩用呢？其實一般都係可以Early Check in & Late Check out，Welcome Drink，Upgrade之類。不過個人認為Holiday Inn呢個品牌嘅酒店相對較為樸素，Upgrade房間都未必有咩驚喜。🤣🤣🤣啊！講多樣先，因為係主打商務旅客，所以訂佢哋酒店嘅時候，一般(我淨係知香港)都一定包埋早餐，唔使加錢。 好喇，講完背景，就講下入住體驗。呢間酒店係位於旺角登打士街1號，坦白講，位置唔太方便，因為你由最近嘅旺角地鐵站行過去都至少要8分鐘，行去彌敦道排巴士站都要至少5分鐘，因為旺角啲內街多車多燈位多人，所以行過去段路都幾麻煩，夏天的話可能會有啲躁底添。🤣不過都算係靜中帶旺嘅，去旺角油麻地行街街嘅話，起碼唔使搭車，而且位置處於渡船街則邊，嗰邊人少少，又無咁多大廈，私隱度高。 房間方面，好簡約，基本要用嘅洗漱用品有，如果想再額外嘅可以Request，免費有的。有雪櫃，有鬧鐘，有部比較細嘅電視機，床就大約1.5-1.7米。小妹住過香港4間唔同嘅Holiday Inn，旺角呢間嘅床褥最舒服！而且佢兩邊放咗唔同款枕頭，分咗「軟」同「硬」，大家有得揀。🙈🙈其實除咗枕頭之外，佢哋連牙刷都可以揀「軟毛」同「硬毛」，大集團就係有呢種細心？🙈🙈廁所就乾溼分離，而且空間都幾大，幾舒服。呢間酒店房唯一有一樣嘢我係覺得差嘅，就係冷氣，唔知點解硬係有啲房啲冷氣好鬼凍，有啲又完全唔涼。夏天嘅時間真係唔得佢燶。 至於其他設計，冇游泳池，如果想游水嘅話，麻煩Book隔離嗰間希爾頓。不過因為商務酒店呢，就會有洗衣房，你可以自己帶衫去洗，不過都幾貴，問過佢哋，洗衫40蚊一次，乾衫又40蚊一次，嗯，我手洗算。😰 啱先提過，Holiday Inn會包早餐嘅，想食豐富早餐嘅朋友留意了！小妹個人認為香港三大間Holiday Inn嘅早餐水平都參差， 旺角：不是自助，有六款選擇，比較普通。 將軍澳：自助，不過食物種類少，而且唔好食。 觀塘CBD2：自助，好食！多嘢揀！正！ 以上，就係小妹嘅酒店介紹分享啦，有咩可以直接問我或者去我群組的聊天室問我。利申：我唔係做酒店行業，亦不是打手，我係一個純愛好者酒店嘅女仔。 #酒店 #爆房 #Staycation #Sexcation #酒店介紹 #酒店推介 #旺角 #旺角酒店 #HolidayInn #洲際酒店 #本地遊 #localtravel #旺角智選假日酒店 #早餐

最近有朋友問小妹：你平時點樣訂酒店最平架？咁我都真係有少少心得！ 等我就同大家講吓自己嘅小小心得。 小妹平時訂本地酒店大多數都係會用兩間Travel Agency，分別係：Trip.com 同 Agoda Trip.com: hk.trip.com/?locale=zh_hk Agoda: agoda.com/zh-hk 個人認為呢兩間Agency係最平，而且有唔錯嘅Loyalty Program 首先Trip.com方面，每次入住完之後，都會送返積分畀你。而你為酒店撰寫入住評語，都會有分送畀你，達到佢指定要求，仲要送多啲添。積分有咩用呢？就係可以換成下次訂酒店時嘅折扣！非常之唔錯，本身已經平，仲可以再平啲。除此之外，經佢哋訂酒店，有時仲會送免費升級，提前入住／延遲退房等等。 至於Agoda方面，同樣有類似嘅Loyalty Program，都係入住完會送返積分落你戶口，不過就冇撰寫評語送積分。送嘅積分Based on返平時訂嗰時佢話會畀幾多你。小妹最勁訂過用分減到60蚊！另外，Agoda有時亦會同酒店合作，賣一啲Package嘅計劃，例如一個價錢包升級丶早餐丶晚餐同提前入住／延遲退房等等，可以畀你好方便同廉價就訂到酒店。 至於兩間Travel Agency 都有會員級別制，小妹成日住當然去到最高級啦！有咩用呢？其實都幾有用架！因為有時有啲特別優惠只會顯示畀某級別嘅會員，換言之，個優惠得佢地先可以用到。 其實因為新冠疫情嘅影響，好多酒店都已經改變咗營銷嘅方向。依家好多酒店網站都會推出各式各樣嘅優惠，如果想訂酒店想訂Package，小妹建議先去到酒店官網睇咗先，因為依家可能經酒店官網訂同Travel Agency 訂嘅價錢都差唔多，而且透過官網訂，仲可能會多啲送添！ 以上係我對Local Travel 訂酒店嘅建議，至於Oversea嘅話，小妹要再研究下先。希望幫到大家啦！嚟緊又有假期，有興趣訂返酒囉！ #酒店 #優惠 #本地遊 #爆房 #旅行 #Hotel #Travel

新假期 X 逸東酒店 獨家寵物住宿優惠＋8折單點食品優惠 位於佐敦逸東酒店最近人氣急升，話題性勁高！翻新後的逸東酒店形象煥然一新，集新舊元素，予人現代摩登感覺，氣氛舒適自在。逸東酒店最近與新假期合作推出獨家寵物住宿連餐廳優惠，大家可帶埋家中毛孩一齊去玩！優惠包一晚「逸．尚」客房住宿、房內享用雙人歐式早餐、Terrible Baby酒吧享用指定酒精飲品，以及多個寵物犬用品等，同時更可延遲退房時間至下午2時，慢慢玩都不成問題！入住日期由即日至11月30日都得，視乎酒店訂房狀況，今次特別推出獨家優惠，房價為$1,680（另設加一），好抵呀！ 優惠詳情： 預訂日期：即日至2020年11月8日 入住日期：即日至2020年11月30日 價錢：每房$1,680（另收加一服務費） 套餐包括： 與最多一隻寵物犬於「逸．尚」客房住宿一晚，於Terrible Baby 酒吧享用乙杯指定酒精飲品（每房最多兩位住客），連房內雙人歐式早餐 延遲退房時間至下午2時 寵物犬用品包括：飲用水器皿、狗隻玩具及零食、排泄物專用處理袋和狗隻專用睡床 香港逸東酒店 地址：佐敦彌敦道380號香港逸東酒店（顯示地圖） 電話：2782 1818 訂購網址：gc.synxis.com/rez.aspx?Hotel=27425&Chain=10316&promo=PETSWW 獨家住宿及餐飲優惠碼：「PETSWW」 #酒店 #Staycation #寵物Staycation #爆房 #逸東酒店 #本地遊 #EATON 開寵物Staycation既酒店真係好有勇氣 因為真係好易有味 好易搞到房間有屎屎尿尿 所以主人記得要有公德心盡量保持衛生 咁就大家都玩得開心啦