「銀の文房具」自兩年前搬離新蒲崗，一直都未搵到合適嘅地方，而近日終於喺旺角重開！創辦人Joel希望繼續可以提供一個展覽空間，畀一眾鍾意文具嘅人交流同了解文具背後嘅故事。 展覽館還原港式懷舊文具店，重現當年真實情況，並非只係「搭個景」、「打卡用」。展覽空間入面嘅木製文具櫃全部都無玻璃，其實反映當時人與人之前的互信關係。而場內亦有好多小細節，例如天花會吊住好多西瓜波，當年唔少文具店都會咁做，好似穿梭返去8、90年代咁。Joel認為文具是一種有溫度的用具，很人性的東西，雖然而家電子科技好發達，但文具依然無可取替。 展覽除咗有大量收藏品，仲有少量懷舊文具可以畀大家買返屋企～文具控同鍾意懷舊嘅你記得唔好錯過啊！ 【銀の文房具】 地點︰九龍旺角上海街618號3樓301 & 302 及花園 營業時間︰11：00 - 20：00 *受疫情影響，設有人流管制。 #旺角 #文具 #銀の文房具