請支持生果伯伯華叔🙏🙏 不賣大陸水果 遭黑幫多次搗亂 警方言詞推搪 叫他只備案了事 霸氣華叔：絕對不向勢力低頭 元朗又新街華叔的「霸氣水果檔」，昨晚遭6-7名疑似元朗「牛屎飛」刑毀破壞，損失約7,000元，消息指，事件為南邊圍的「牛屎飛」所為。華叔於事發後報警，但到場的警員抗拒調查，態度異常曖昧，叫他不如只備案了事，華叔霸氣拒絕並說「俾人搗亂做咩要備案呢，我想請問香港警察，備案就唔需要報案啦！」並忠告警察做好份內事，認為警察的所作所為已經令市民「唾棄」。 華叔今早如常擺檔，對於今次事件，華叔表明絕不擔心，更語帶諷刺地說「我哋好信我哋呀鄧炳強嘛，止暴制亂吓嘩，我檔嘢出事警方幾大責任呀」，更毫無懼色謂「我全世界生果都有，係冇大陸生果」。不少街坊得知華叔的攤檔受辱，紛紛去找華叔噓寒問暖，「最緊要人冇事」，華叔則豪氣回應：「絕對唔向勢力低頭」，街坊得知華叔無恙，於是一起「懲罰」華叔，買了一袋二袋水果，有街坊更請華叔食燒雞翼，並將照片放上網，呼籲更多街坊去「懲罰」華叔。 華叔：本檔不售賣內地人 華叔在元朗做小販做了17年，在又新街擺擋10年，自言「大小戰役都經過晒，噚日嗰啲好濕碎」，不但特別語重深長地忠告昨晚犯案的「嗰班小朋友」，更豪言：「如果驚嗰個就唔係華叔嚟」。他又形容自己黃到如「鐵甲萬能俠黃金戰士」。 「本檔不售賣內地人士」紙牌今日繼續霸氣在檔口豎起，華叔指紙牌已「擺咗七年」，因為「第一我對內地人完全冇好感，第二普通話我唔識聽唔識講，言語不通點做生意」，但因為紙牌，華叔經常被人挑機，「經常有人嚟質問我，你係咪中國人」，華叔形容這些人都莫名其妙，不明所以，「我雖然冇讀過書，啲人咁野蠻，國家真係要做好啲公民教育」。 #元朗 #又新街