TVB 仲有冇錢幫員工買口罩？仲步向 ATV 下場？ BTW，鄭敬基 👍🏻👍🏻👍🏻👍🏻 #鄭敬基 #盧苑茵 #TVB #口罩 // 盧苑茵同鄭敬基曾經喺《卡拉屋企》演母子，今日鄭敬基喺網上透露，知道 Madam Lo 今日要番 TVB 試造型，不過已經用晒屋企啲口罩。Madam Lo 唯有戴住卡通棉布口罩，入面夾一格廁紙，外面再包保鮮紙就番 TVB 開工，好慘！ 鄭敬基話聽到好心痛，馬上拎咗四十幾個口罩出去比 Madam Lo 同囡囡，罷搭地鐵嘅佢仲為 Madam Lo 破例約喺地鐵交收。 一見面鄭敬基就即刻幫佢戴口罩，仲話睇到好心酸，諗起呢個就係香港好多人面對緊嘅問題，亦指 TVB「堂堂一間上市公司，竟然沒有每日起碼提供一個口罩給所有員工。無怪乎給黃（王）維基先生一間沒有電視製作的HKTV，市值過了有電視工廠美譽嘅TVB，多諷刺。」 鄭敬基叫開緊工嘅演員們多啲關心一班前輩演員，因為佢地難為情唔敢開口問，亦懇請 TVB 提供口罩同加強防疫措施。