咁到底我哋有咩可以做？ 唔知大家Facebook朋友質素如何，但我呢排見到最少十個八個曬自己囤左幾多N盒口罩、幾多酒精，又突然全部變晒企業家分拆高價賣俾「有需要嘅朋友」。其實，銀紙真係防唔到疫，但你手上有多嘅物資係可以的。 你第一樣可以做嘅，係檢視吓自己屋企有幾多口罩同消毒酒精/搓手液，再計吓你真正需要幾多，有多係可以拎出嚟同真正有需要嘅人分享：清潔工、執荒老人、無家者等（尋日我仲發現自己個區庇護中心都嚴重缺口罩，社署無支援，低收入家長唔能夠負擔請假睇住有特別需要嘅仔女，所以佢哋被迫一係捱貴貨、一係就無口罩都要俾仔女返工場。） 第二，你瘋狂訂物資嘅同時，除非你係入嚟分享，唔係不如審視多次到底係咪真係有需要order咁多？一來有可能助長無良商家，二來亦可能搶咗真係好有需要訂購嘅人嘅quota。唉，都係個句，好多基層市民相對無支援、無資訊，連邊度揾邊度訂都唔知，就變相要日繼日捱貴貨。 最後，即是你無多餘嘅物資，你都可以將呢個訊息分享俾你身邊嘅人，既然政府唔全面封關、又唔支援真正努力前線防疫、抗疫、救疫嘅人，咁就自己社區自己幫！大家少少少少一齊做，be the change you want to see in this world. 最後我好長氣都要講多次，銀紙真係防唔到疫，但你手上有多嘅物資係可以的。 #武漢肺炎 #清潔工 #口罩