#沙田 #濱景 都仲做緊萬5蚊呎...

呢個時勢仲有 24 萬比你拎走，你仲想點？ #海之戀 海之戀「爆屎渠」單位981萬沽 80後業主：只賺兩粒黃豆 海之戀上星期起陸續滿三年「SSD」鬆綁，至今錄得最少3宗二手成交。其中7座高層D室，實用面積512方呎，兩房間隔，剛以981萬元沽出，呎價19,160元。有區內代理透露，該單位便是之前被傳媒報導的兩度「爆屎渠」單位。原業主是一名經營旅遊業生意的張姓80後買家，2017年6月以908.4萬元購入該單位，可惜好景不常，業主去年5月收樓後，屋苑驚現「爆屎渠」事件，污水由馬桶及浴缸湧出，並浸滿全屋，一屋傢俬電器無一倖免，價值逾900萬的新樓一夜間變「糞屋」。單位兩周後又再出事，心灰意冷的業主打算離開傷心地到澳洲過新生活，曾稱:「親眼見到單位再被屎水浸，他的感受只有「灰」，又埋怨「點解六合彩唔見我中」。 張先生於去年8月正式將單位放盤，叫價1,200萬元，由於單位購入未足3年，由業主包10%的SSD稅。其後反送中運動越演越烈，市況越見嚴峻，經過兩個月單位仍未能成功放售，業主曾將叫價調低至1,150萬元。經歷社會運動、疫情及港版國安法打擊，「爆屎渠」單位最終的成交價與最初的叫價低219萬元，但賬面仍賺72.6萬元。但張先生表示，若扣除36萬元釐印費、買賣兩次的律師費共2萬元及支付地產代理佣金約9萬元，七除八扣後只賺約24萬元，形容:「只賺兩粒黃豆」。