「Stop Angry」被網民指係中式英文，「甚麼是 Stop Angry? Stop anger? Stop being angry? Stop angrily? 中式英文又來犯了」亦有人指出演唱會呢句英文來自兒子 Jasper，事關 Jasper 拍節目時曾經講過「can you stop angry now」，究竟係英文差定抽 Jasper 水，真係無人知。 唯一知道嘅就係，陳小春嘅中式英文係行內一直聞名，最經典一定係同應采兒註冊結婚時，講出「You are my best wife」，令賓客貽笑大方。以往亦因為英文差發過老脾，好耐之前陳小春同子華神一齊擔任 TVB 才藝節目嘉賓時，陳小春因聽唔明外籍參賽者嘅用字，直問英文意思，點知子華解釋完之後，佢又覺得人睇唔起佢發老脾：「英文唔好唔得㗎？你咁樣鄙視我嘅？」 當時子華秒回：「嘩！向你解釋就叫鄙視你？問你攞貼士即係打劫你？」直到而家網民都會拎翻出嚟鞭屍：「教佢英文即係鄙視佢！」 #陳小春