鄰近斷頭刑場　流傳鬼古多 不少歷史建築都會流傳鬼怪故事，百年歷史的長洲警署亦不例外。「半夜三更二樓會傳來枱凳搬動嘅聲音，但拍門又冇人應」。鬼古開首是一名通宵駐守的長洲警署警員，有一晚半夜忽然聽到二樓指揮官及其家屬住所持續有枱凳搬動聲，但當晚外籍指揮官放假，全家離開住所返回城市。警員上二樓拍門，良久都無人回應，警員立刻聯想到是鬼，嚇得立刻拔足而逃。 潘富強表示，這鬼古何時流傳已無從稽考，他亦無見過鬼。他笑稱，警署人員相信鬼古主角可能是100年前遭海盜殺死的三名印度警員鬼魂作祟，又或與二戰日軍佔領期間，警署附近的東灣岸邊是日軍行刑場地有關。「二次大戰期間，日軍喺長洲警署附近嘅東灣海邊，用一塊叫斷頭石嚟行刑斬頭，死咗好多人。不過塊石已經冇咗」。 長洲警署另一出名是「姑爺」多，潘稱上世紀五十至七十年代，不少派駐長洲警員都娶長洲姑娘，「當年長洲生活水平冇咁好，好多女仔見調入嚟嘅警員都身光頸靚就好鍾意，主動認識警員，粗略估計咁多年來有過百名夥計娶咗長洲姑娘」。 #香港02 #離島鬼故 #長洲 #東灣