好襯啊💕💕💕💕💕 #ViuTV 節目《 #全民造星II 》日前圓滿結束，冠軍由吳啟洋（ #Phoebus ）奪得，Phoebus除咗一晚成名之外，原來佢愛情仲相當得意，一早已經畀靚靚女朋友張天穎（Jaime）私有化！ 有樣有身材嘅Jaime，原來同Phoebus一樣咁熱愛唱歌，仲經常上載自彈自唱嘅片段，唱功仲非常唔錯。音樂人陳輝陽為咗作品音樂會，招募女聲演唱其作品，Jaime亦喺其中之一，有份喺台上表演！此外，佢亦多才多藝，舊年參加過第二屆《敢作敢唱原創歌曲比賽》，好叻蠃咗冠軍，仲獲主辦單位免費拍MV，睇嚟遲啲可以同男朋友拍住上！