"... And from the ashes of their world, we'll build a better one.'' // 【辦事處租用安排】#王進洋 #東涌 #東涌南 各位街坊你地好 王進洋最後揀左呢到做辦事處 原因當然唔係針對周浩鼎或者係想刪除佢等佢永久消失。 如果甩除政治立場我覺得，佢真人傻傻地又幾可愛嘅，不過呢句傳媒無幫我登出街。 呢個辦事處近地鐵站，近富東邨同裕東苑，係選區範圍裏面一個好好嘅位置，呢個先係我租用呢間辦事處嘅主要原因，加上房署向我透露，富東邨已經無曬位做Office。 當然，好多街坊都關心拎唔倒，對未來工作會有好多不便，但與此同時，都多左個方便監察同鞭策我嘅機會，因為未來一年，我都會用流動辦工室形式去開街站，位置都係新東閣樓下，同埋東堤往地鐵站方向，海堤灣畔東薈城入口。 期望呢一年會見倒你地每一位 我會等到明年立法會任期完結，正式接手呢個Office位。