【明報專訊】區議會選舉今年11月舉行，反修例運動吸引到一班政治素人落區服務街坊，希望參選撼贏建制派。#工聯會立法會議員何啟明前日喺facebook上載相片，見到屬素人嘅 #油塘東選區嘅社區主任 #龔振祺，準備大批罐裝午餐肉派發市民，罐頭附有宣傳單張。#何啟明同一眾 #建制派喺facebook交流時，言語間似乎暗諷龔派發「蛇齋餅糉」，其中 #民建聯 #立法會 #何俊賢就留言話：「蛇齋餅都落後，現在直接罐頭。」 #區選2019 真係好笑講到蛇齋餅又及你地建制 🤮 #觀塘區

Related Feeds

地址換購廁紙網民質疑民建聯種票香港人對抗武漢肺炎心慌慌，喺不信任政府嘅本能反應下，到處出現搶購，由最短缺嘅口罩到廁紙、米甚至衞生巾都有人搶，有見及此，各大政黨都有幫忙團購，建制第一大黨民建聯成功爭取2,500條廁紙賣畀18區街坊，先不論每區只分得百幾條，杯水車薪，但開放畀全港市民購買，心水清嘅網民就問，拎廁紙嗰陣係要住址證明嘅用途何在，質疑係咪種票之用？唔使出街撲就有得買物資理應係好事，但Blogger葉一知喺Facebook連出兩個po，質疑民記賣廁紙點解要住址證明，「你去藥房超市買嘢使唔使住址證明？唯一用途：種票用囉！」佢又分析話，民記賣嘅廁紙，喺HKTV MALL同百佳都係賣33.8大元，「呢個係單買價，去實體店好多時買兩條再平幾蚊，依家民建聯賣畀你$28，根本冇乜平到」，佢得出兩個結論，一係擺明係騙案，二係建制派輸晒區議會後好缺水，「就算佢老細都因為呢場疫症好缺水。」葉一知又溫提大家，呢兩日廁紙不斷返貨，好多人都買到，「叫老人家問一問自己，你去藥房百佳買廁紙幾時要畀過住址證明？」話說民記呢個賣廁紙活動今朝10點開始可以於網上登記，每人限購一條、不設找贖，成功登記後會有專人聯絡，除咗拎廁紙時要帶埋住址證明去指定的地點交收外，查實更多魔鬼細節在其中㗎，八方實測訂廁紙，登記嗰陣時必定要填姓名、有WhatsApp功能嘅電話號碼同埋詳細住址，呢啲都尚算講得過去。最重要係佢叫人填選「本人同意以上個人資料被用作民建聯日後通知及聯絡」，呢個必答題得「同意」呢個唯一選項，即係點？日後唔畀聯絡就係唔准買佢啲廁紙？日後係幾時？廁紙唔知搶唔搶到，但資料就肯定被收集了。