【男同事係咪追緊我】 我哋識咗一個月左右 大家幾好傾 初頭就group chat 繼而就私底下傾 初時都係每日傾一陣 依家就變到日日晚晚一得閒就傾 第朝一起身又傾 咁岩有次成group人得我同佢得閒食lunch 所以我哋就一齊食 之後有次得我一個食lunch 佢就本身話唔食都去陪我食 有晚收工見我肚餓 又陪我食咗飯(之後去咗行街) 再送埋我到屋企樓下 佢先返屋企 我話放工想去睇衫 佢又去陪我行街 又有去夾公仔 再送我到屋企樓下 佢先返屋企 又係咁問我中意咩公仔 係咪想換手錶等等 (我話依家隻仲用得就唔換住啦) 佢聽到我返工有個task會整污糟隻手 就去買咗幾對手套俾我 仲要喺我返工前偷偷地放我枱面 佢仲約我今個星期放假去踩單車睇日落 我好怕係feel錯 一陣feel錯但又喺同一個環境做野好尷尬 但佢又冇乜特別講d咩或者暗示d咩 所以想問下到底佢係咪追緊我？ #拍拖 #情侶 #男女朋友