多間「黃店」聖誕前被罰停晚市堂食 午市大批食客撐場 「執法有心定無意？心知啦」 2021.12.23 被罰停晚市的光榮冰室尖沙咀分店，大排長龍 聖誕黃金檔期前夕，多間「黃店」接連因有客人無使用「安心出行」，而被禁 14 日晚市堂食，包括先後三間分店被罰的光榮冰室和佐敦牛屋餐廳酒吧。記者到場觀察，午市時段兩間店外均現人龍，不少食客特前去支持。有食客質疑事件「有無咁橋？」、「點解呢啲嘢唔會發生喺藍店？」，有餐廳負責人就形容：「明眼人都你知做緊咩啦。」 牛屋：有人無掃幾分鐘後警方衝進來 佐敦牛屋餐廳酒吧今個月 17 日被警方突擊巡查，發現有一名食客沒有安裝「安心出行」。牛屋負責人吳先生指，當時晚上約 9 時，有一對男女進來，店員檢查時，只有女方展示手機，但男人則以找電話為由避過檢查，馬上進去坐下點餐，幾分鐘後就警方「成隊人衝入嚟」，他形容：「明眼人都你知做緊咩啦，（時間）準到咁。」 2021.12.23 同樣被罰停晚市的佐敦牛屋，午市大排長龍 2021.12.23 牛屋門外告示 負責人：聖誕、除夕都要停堂食 生意大跌七成 他指，餐廳由18 至 31 日被罰停晚市堂食 14 日，聖誕、除夕生意都受影響，營業額大跌七成，即使經營到會服務都無法彌補，他指，因為餐廳人手、經驗不足，每天最多都只能接十多二十單到會，雖然訂單爆滿，但也只能避免「蝕到入肉」。 光榮冰室三分店被罰  食客專程光顧支持 另外，光榮冰室旺角、銅鑼灣、尖沙咀分店先後因被發現有人沒掃「安心出行」，被罰停晚市堂食（另見報道），冰室專頁提到，旺角、銅鑼灣分店僅有一個人沒掃描。 記者到光榮冰室的尖沙咀分店觀察，中午 12 時許有 10 多人排隊等候堂食，等候外賣的食客亦不絕。 食客質疑：有無咁橋 每次僅一人無掃 食客徐小姐指，本身在佐敦工作，但特意走到尖沙咀支持光榮冰室。她在新聞看到光榮冰室被罰停晚市堂食，質疑每次警方執法都只發現一個人沒有掃「安心出行」，接着警員就衝入來，「有冇咁橋？」，是「有心？還是無意？心知啦……係真係有人特登去做件事出嚟，定係真係咁啱有個同路人咁樣？」 在尖東上班的何小姐和鄧女士也專程步行來光顧光明冰室，何小姐指「點解呢啲嘢唔會發生喺藍店？」，鄧女士又指，自己早兩天到佐敦一間燒臘舖，店主都沒有要求檢查安心出行，只是自己主動去掃描，形容很多比較簡陋的餐廳，都沒檢查。 原文連結：thestandnews.com/society/多間黃店聖誕前被罰停晚市堂食-午市大批食客撐場-執法有心定無意心知啦