#食好西 #韓式美食 . 無得去旅行，唯有去食吓正宗地道美食止...

#居酒屋 #有無好介紹 . 嘩！跟住我攸桐媽飲飲食食當然有正嘢啦！今次呢間係位於屯門嘅居酒屋！ . 留民料理 📌屯門青山公路351號彩華花園地下1號舖 . 不過大家要留意返佢哋營業時間係傍晚6時開店架！因為通常都係比大家飲吓酒Relax吓！ . 餐廳係一間充滿日式和風嘅店舖裝修令我感覺到好似置身處於日本的居酒屋咁呀！ . 我就點咗呢幾款啦～ ♦️ 泡椒雞腳味道麻辣同埋雞腳好爽口呀麻辣味道適中，唔會太搶喉如果鍾意食辣嘢嘅朋友仔會覺得好正👍🏻👍🏻 . ♦️ 麻辣牛筋啲牛筋好入味呀，又夠哂淋食落就知道廚師係好用心醃製，而且同雞腳比較，牛筋係冇咁辣架！ . ♦️ 蟹籽溫泉蛋呢隻蛋好特別架好大隻，又鮮又甜嘅溫泉蛋配上蟹籽，令到隻溫泉蛋增加了不少嘅口感呀～仲有生菜🥬洋蔥🧅麻醬夾埋一齊食真係好清新，一試難忘！ . ♦️ 炸豆腐魚餅呢個魚餅真係炸得啱啱好外脆內軟，咬開後有好濃郁嘅豆腐香味因為有魚肉嘅關係，入口唔會好似平時食豆腐咁，淋淋哋..... 而且魚味又唔會蓋過豆腐嘅味道👍🏻👍🏻 . ♦️ 日式燒鰻魚燴飯上碟個裝飾好靚呀～好特別！鰻魚爽口彈牙又夠juicy 個燴飯加咗三色椒同埋茄子，令到成個飯好多唔同嘅層次同口感呀～ . 整體評分：最高為🟣🟣🟣🟣🟣 味道：🟣🟣🟣🟣 服務：🟣🟣🟣🟣 環境：🟣🟣🟣🟣 地點：🟣🟣🟣 . 總括嚟講，留民料理菜式選擇多樣化而且性價比高。環境舒適寬躺，適合朋友聚會吃飯。 @bad.boy.cook.hk ••••••••••••••••••••••••••••••••••••••••••••••• . #攸桐媽飲飲食食遊蹤 #攸桐媽 #攸桐媽媽遊樂團 #zozimama #6B29production #路邊研究事務所 #6B29 #留民料理 #屯門美食 #香港美食 #大小帳 #互追 #followforfollow #hk #hkmama #hkmami #二胎媽媽 #hkkol #foodie #hkfoodie

#咖哩 #邊度先最正宗 . 大家認為邊度嘅咖哩先係最正宗？我就話無得咁計啦～每個人口味唔同每個地方嘅咖哩都有佢嘅特色所以唔可以一概而論不過今日我就去試咗呢間是正宗印度🇮🇳餐廳🍴印度咖哩 . 珍珠皇宮印度餐廳 📌尖沙咀彌敦道36-44號重慶大廈1樓96-97號舖 . 講真，我係第一次係重慶大廈食嘢一嚟到都有好幾間餐廳嘅職員派傳單但我今次係慕名而來，因為之前Error都有介紹過架！但估唔到老闆Jackie哥都會係樓下好友善咁問，你去邊度，仲帶埋我哋去餐廳添！仲有一樣非常貼心❤️嘅地方係會以中英文加圖片咁顯示食客就唔會唔知道應該點咩食啦～ . 前菜 ♦️ 印度🇮🇳脆餅配薄荷醬呢個其實係我哋坐低睇緊Menu時餐廳🍴送比我哋食架～但呢個脆餅加薄荷醬真係好好味😋 . ♦️咖哩角 (素) Vegetable Samosa 一上枱見到佢，份量十足呀！好大隻呀！！！切開裡面，係滿滿嘅蔬菜及薯蓉仲有好香嘅咖哩味道，非常惹味😋😋 . ♦️ 混合肉燒烤拼盤 Tandoori Platter (包括印度燒雞，免治羊肉卷，烤魚塊，乳酪腰果汁燒雞) 呢個拼盤係用鐵板上架！嚟到時仲好熱辣辣每種肉類，各有自己特色但我就最鍾意食印度🇮🇳燒雞有少少🤏🏻辣辣哋，好惹味！而且肉質又唔會好實，好juicy，好味！ . ♦️ 椰汁🥥咖哩魚 Goan Fish Curry 呢個魚，食落好有椰子🥥香味但又唔會搶走咗咖哩嘅味道～而魚啱啱好，魚🐟肉香滑為咗配合個咖哩汁，我哋點咗 . ♦️ 蒜蓉烤餅 Garlic Naan 蒜蓉烤餅煙煙韌韌點埋個咖哩汁食到停唔到口呀........ . 飲品 ♦️ 青檸梳打 Fresh Lime Soda ♦️ 芒果🥭汁 Mango Juice . 整體評分：最高為🟣🟣🟣🟣🟣 味道：🟣🟣🟣🟣 服務：🟣🟣🟣🟣🟣 環境：🟣🟣🟣🟣 地點：🟣🟣🟣 . 總括嚟講，珍珠皇宮印度餐廳份量非常十足！坐位寬敞又舒服！有機會都可以再同朋友去試吓！ . 珍珠皇宮印度餐廳 ••••••••••••••••••••••••••••••••••••••••••••••• #攸桐媽飲飲食食遊蹤 #攸桐媽 #攸桐媽媽遊樂團 #zozimama #6B29production #路邊研究事務所 #6B29 #搵食 #尖沙咀美食 #香港美食 #852foodie #852mama #hk #hkmama #hkmami #二胎媽媽 #hkkol #foodie #hkfoodie

#我發現到佢 #大叔的愛 . 今日同朋友去咗曾經係大叔的愛嘅拍攝場地食個靚Dinner～ . Chill and Grill 📌西環加多近街57號地舖 . WOW……嚟到見到餐廳名符其實真係好Chill 因為佢有室外地方可以比客人坐低飲返杯吹下風入到餐廳裡面地方好大裝修得好靚而且老闆同餐廳職員都好nice好好人架～ · 小食我哋點咗 ♦️ 炸魷魚鬚配他他汁即叫即炸，未上枱已經聞到佢香噴噴食落非常香脆可口魷魚鬚好新鮮，加埋他他汁，酸酸地好好味呀！ . 主菜我哋叫咗 ♦️ Grill Spanish Pork Tomahawk 呢個Order時話800g 夠2個人食嚟到見到好夠份量呀～ 2大塊戰斧豬扒老闆細心介紹如何食用由於豬扒肉質鮮嫩可口係烹調時係係用任何醬汁醃製我哋食用時，只用了餐廳廚師特製 #ExpressoSalt 已經帶出咗豬扒嘅鮮味可以好多人見到豬扒咁粉嫩都未必敢食但係佢真係好淋甜，又鮮味雖然我都係第一次食粉紅色嘅豬扒但食過番尋味～ ♦️ 黃金蟹黃意粉🍝 未上枱已經聞到蟹黃香味食落真係好香好好味😋 有蒜香同埋真係好多蟹膏呀！！！ ♦️ 香煎帶子墨汁意大利飯帶子新鮮爽甜但係食呢個意大利飯都要小心啲呀因為佢用墨汁煮食得唔好會成個嘴都黑色啦～ . 飲品 ♦️ Mango Smoothie ♦️ 上西城特飲 ♦️ 粉紅小兔子特飲 ♦️ 嘉士伯啤酒 . 整體評分：最高為🟣🟣🟣🟣🟣 味道：🟣🟣🟣🟣🟣 服務：🟣🟣🟣🟣🟣 環境：🟣🟣🟣🟣🟣 地點：🟣🟣🟣🟣 . 總括嚟講，Chill and Grill無論食材用料到服務都係非常非棒！坐位非常寬敞同舒服😌！下一次一定會再訪，因為仲有幾個打卡點都未影相打卡呀！ ••••••••••••••••••••••••••••••••••••••••••••••• #攸桐媽飲飲食食遊蹤 #攸桐媽 #攸桐媽媽遊樂團 #zozimama #6B29production #路邊研究事務所 #ChillandGrill #ChillandGrillHK #西環美食 #香港美食 #搵食 #852mama #hk #hkmama #hkmami #二胎媽媽 #hkkol #foodie #hkfoodie #instagram #hkig #hkiger