呢間樓上酒吧餐廳，環境裝修得好靚，有3個金色鳥籠座位，比人嘅感覺高貴優雅，令人眼前一亮；仲有個好大嘅露台在外，地方好寬闊，感覺好正，室內仲可玩飛鏢，同幾個朋友嚟聚下真係好啱 今晚食晚餐就好似睇表演咁，先嚟頭一道美食【火焰蜜糖雞翼 $98】店員點起火焰，燒雞翼先，燒過嘅蜜糖雞翼，食起嚟熱辣辣，香甜好味，外皮香脆，雞肉肉質嫩滑，食唔停口 用咗原隻龍蝦拆肉嘅【明太子龍蝦包配薯條 $238】龍蝦肉彈牙好味，再放係焗到香脆嘅多士內，加埋配菜，青瓜、蕃茄、生菜及醬料；仲配埋香脆薯條，非常好食 最後呢個真係第一次食【招牌 shake shake 海鮮袋 (5款海鮮) $588】店員攞住個放滿海鮮嘅袋，嚟到我地面前 shake 一 shake，之後一打開個袋口，就聞到陣陣香味，香到不得了，微辣及蒜香味，個醬汁用秘製香料整成；袋內海鮮有活鮑魚、大元貝、海青口、活大蜆、游水海蝦，海鮮新鮮好味；再加埋配料腸仔及粟米，夠哂惹味。店員好貼心話我哋知有手套，要帶埋條圍裙 叫咗咁豐富嘅晚餐，當然就唔少得叫飲品啦，一杯係清新薄荷青檸味嘅【Virgin Mojito $88】；另一杯就係清新檸檬香味嘅【Lemonade $88】 I Leisure 尖沙咀北京道65至69號環球商業大廈12樓