有愛情成份嘅鬼故👻👻👻👻 「幸好我記得我婆婆教過我，如果有人暈倒，按佢嘅人中係有機會可以令嗰個人醒返嘅。喺依家呢個無其他選擇嘅情況下，我唯有試下呢招傳統方法。我先用左手扶住個女仔條腰，將佢個頭挨喺我膊頭上面，然後提起自己右手手指公，就按咗落去佢人中度。初時我都唔敢太大力按下去，驚整痛佢，但見按咗幾下佢都好似冇乜反應，我把心一橫，就唔理三七廿一係咁大力按落去。 都唔知按咗幾多下，跟住我膊頭終於feel到個女仔郁一郁。我當堂即刻鬆咗一口氣，拍下佢塊面，見佢眼皮跳咗幾下，然後個女仔就突然睜大咗隻眼望住我。當時我哋兩個人對望咗唔夠一秒，就同時「嘩」一隻叫咗出嚟!」 discuss.com.hk/viewthread.php?tid=30131355&utm_source=copy&utm_campaign=ios&utm_medium=share