【碧海藍天下的LITTLE SEOUL】- 靚環境性價比高韓國料理 instagram.com/p/CPc6z2njzqC/?utm_medium=copy_link 藍天白雲好天氣，去被碧海藍天包圍嘅馬灣，感受一下旅行FEEL～ 巴士總站落車就係碼頭旁邊，聽聞果度有間由韓國人主理嘅韓國餐廳 - Little Seoul，而且環境同價錢都好OK，當然要試試～ 〖環境〗 餐廳有開揚落地玻璃對住海景，天氣好時絕對有海天一色感覺。另外餐廳樓底高，主調採用原木色加白色，一入餐廳已經有好舒服好CHILL感覺。 〖食物〗 呢度韓國料理款式算齊全，韓式炸雞、燒肉、石窩飯、炒粉絲、人蔘雞湯等等都有。 而Weekdays 由12點至9點都有Set，包括湯＋泡菜＋主菜，另外可以優惠價加飲品，主菜可以揀飯、飯卷或炒粉絲，泡菜極爽口，食完仲可以refill ～ 正～ 叫咗辣味豬肉紫菜飯卷拼沙律餐，沙律加咗柚子醬好清甜，咁熱嘅天氣食啱哂～辣味豬肉紫菜飯卷拼上配菜後，豬肉就唔算好辣，而且份量好夠。 飲品加$7可以揀果汁/ 米水，試咗濟州柑橘汁，好甜好好飲～ 〖價錢〗 Set由$52 - 65， 咁靚環境下嘅正宗韓國料理，呢個價錢真係抵到爛～～ 〖周邊好去處〗 馬灣人流唔多，好多地方都望到海景，同有大量植物，周圍散下步真係勁舒服，好有旅行感覺。馬灣公園裡面嘅意中園，超有童話感，無論點影都係呃Like打卡相！而東灣沙灘可以望到挪亞方舟同青馬大橋，都係影相必去地方～ 果日影咗勁多靚相靚片🤩之後會再出一篇專講馬灣打卡位，大家記住留意喇🥰 📍【Little Seoul】 地址：馬灣珀麗灣碼頭地下P1舖 菜式：韓國料理 電話：2796 8833 時間：12 - 9pm ************************ 如喜歡此介紹，希望能繼續支持我，訂閱以下Youtube Channel，及讚好，留言及分享 🙂 謝謝～ Youtube Channel: KuroTV youtube.com/channel/UCyuPSyqsEV6sXdQMXnYVEKg Instagram: instagram.com/Kurotv.ig​ Mewe: mewe.com/join/kurotv​ Facebook: facebook.com/KuroTV.fb​ =========================================================== #香港好去處 #打卡 #打卡景點 #香港打卡 #打卡好去處 #香港攝影好去處 #好去處 #写真好きな人と繋がりたい #写真編集 #foodie #hkfoodie #foodiehk #foodhk #littleseoul #foodphotography #香港食咩好 #馬灣 #manwan #離島好去處 #相機食先 #hkfood #食好西 #foodlover #美食地圖 #香港美食 #香港美食指南 #hkfoodlover #本地遊