《亞洲萬里通率先與梁芷珮「劃清界線》27 May 引發「梁芷珮之亂」嘅 Asia Miles 亞洲萬里通 (國泰附屬公司)，尋日已經靜雞雞同梁芷珮「劃清界線」，將所有相關貼文及影片刪除。 事源於2021年5月25日，亞洲萬里通請咗TVB藝人梁芷珮開直播，期間收到大量嬲嬲，以及不滿TVB新聞報導、管理作風嘅留言。事後，梁芷珮 Christy Leung於社交媒體發千字文回應，表示唔想大家因為佢係TVB藝人而抹煞其工作機會，因為佢要養三個讀國際學校嘅仔女。 正所謂「食得咸魚抵得渴」，做TVB藝人賺取咗曝光率，但同時唔想因為做TVB藝人俾人抵制，邊度有咁著數嘅事？我哋並唔係口講追求自由，但唔畀自由人哋嘅獨裁者，所謂自由市場，就係你有選擇工作嘅自由，消費者亦有抵制無良廣告商嘅權利。 回歸正題，亞洲萬里通喺上年11月已經搵過梁芷珮直播宣傳一次，今次係第二次。如果有留意開我哋專頁，就會知道我哋已經唔只一次杯葛梁芷珮，又或者係TVB藝人嘅廣告商，換言之，亞洲萬里通係「明知不可為而為之」。