～Lockeroom Dining~ 今次呢間餐廳環境幾特別，啲嘢食都唔錯，價錢亦都唔貴😚，幾適合一家大細去～ 香辣蒜片羅勒意大利扁面（$6️⃣5️⃣） 每個餐都會配飲品，蒜蓉包同埋一碗餐湯😛。蒜蓉包好香口，軟硬適中。而今日餐湯係羅宋湯，好濃蕃茄味，酸甜度啱啱好。 呢個扁意粉🍝真係超好食，强推😍。佢啲扁意粉係中有咬口嗰隻，但又唔會太硬，而且佢都好入味。佢調味做得好好，連啲配料都炒得好香🥰，仲相當之好入味，唔似其他地方咁上碟之前先撈埋一齊。而且佢黑胡椒味都幾濃，啱晒比較重口味嘅我。 芝士忌廉蕃茄醬燴美國黃油雞髀扒（$7️⃣5️⃣） 佢份量真係超多，雞髀扒好大件，啲芝士忌廉蕃茄將鋪滿喺塊雞扒上面😝，每一啖都食到番茄味，好滿足。我個人而言好鍾意啲配菜，尤其係嗰舊蕃薯蓉，好清甜😍，識落唔會好濟，其實呢個餐配飯都已經好飽，啱晒啲大食嘅人士。 鹹蛋黃雞翼（$7️⃣8️⃣） 呢一款見好多人都推薦，佢每一隻雞翼都鋪滿左鹹蛋黃，因為係新鮮炸嘅緣故，咬落去好熱，仲有肉汁標出黎，相當之邪惡嘅一個小食😈，適合同朋友一齊share。 Tiramisu ($6️⃣8️⃣) 我相信呢一款唔同大家講係Tiramisu，大家都未必知🤣，因為佢嘅外型同我哋平時食嘅都幾大分別。 平時我哋食個Tiramisu上面會有朱古力粉，佢呢款就用咗消化餅碎😛，中間仲夾咗咖啡味嘅啫喱，創新得來有幾好食😙，同平時食嘅Tiramisu口感會有啲分別，但都係咁好食。 味道👍 ：08/10 CP值💰：08/10 環境🍽 ：08/10 #lockeroomdining #foodloversdiary #旺角 #旺角美食 #親子 #復活節 #nearD好西