打科興冇得飛！ 歐盟宣布成立「綠色數碼證書」 疫苗護照不接納中俄疫苗 新冠肺炎肆虐成年幾嚴重打擊全球嘅旅遊業，隨著疫苗推出，唔少國家都嘗試開啟返旅遊業，各國正考慮推出「疫苗護照」希望盡快恢復返旅遊經濟，早前歐盟委員會曾提出「數碼疫苗證書」草案，已交畀議會審議，近日正式宣布成立「綠色數碼證書(Digital Green Certificate)」方案，針對性咁放寬出入境措施，不過暫時並唔接納中國及俄羅斯嘅疫苗，咁打咗科興嘅朋友仔想飛點算？ 【疫苗護照】歐盟宣布成立「綠色數碼證書」 歐盟啱啱宣布成立「綠色數碼證書(Digital Green Certificate)」方案，針對性咁放寬出入境措施，並建立一套全歐盟通行嘅認證機制，以便協助恢復返歐盟成員嘅流動，「綠色數碼證書(Digital Green Certificate)」將分為3款，分別係提供畀已接種疫苗人士、新冠肺炎康復者，以及對病毒呈陰性反應嘅人士使用，當中重會提供埋電子及實體版本，兩個版本嘅證書都設有「二維碼(QR code)」用作辨別真偽，現時證書只會依照「歐洲藥品管理區(EMA)」批准嘅疫苗，意味住中俄疫苗暫時將不獲接納，打咩好大家真係要認真諗諗！ 【疫苗護照】疫苗護照不接納中俄疫苗 現時證書只會依照「歐洲藥品管理區(EMA)」批准嘅疫苗，意味住中俄疫苗暫時將不獲接納，咁有咩新冠疫苗係獲「歐洲藥品管理區(EMA)」許可呢？現時證書只會依照「歐洲藥品管理區(EMA)」批准嘅疫苗先獲接納，以匈牙利為例現時主要都係使用「中國國藥集團」研發嘅疫苗以及俄羅斯研發嘅「Sputnik-V」疫苗，已接種呢類疫苗嘅旅客都唔會受到「歐洲藥品管理區(EMA)」所認可。而證書申請費用係全免，喺全歐盟範圍入面都有效，重會涵蓋埋部份非歐盟歐洲國家包括：「冰島」、「列支敦斯登(Liechtenstein)」、「挪威」及「瑞士」等，此外喺歐盟居住嘅非歐盟公民亦都可以申請，歐盟強調「綠色數碼證書」只係一項臨時措施，待日後疫情完結就會取消。 #綠色數碼證書 #新冠疫苗