【如有得罪，多多包涵】 糖尿病本身就是燒銀紙的長期病，特別是家境不太理想的一群病友，加上一年多的經濟不景，不難想像部份糖友已經感到百上加斤。 其實一直以來，各種社交平台的糖友群組，都是以互相鼓勵及分享網上有用資訊為建群目的，但發現近日某些群組，成員除了不斷分享市面“所謂”適合糖尿病患者産品，似乎忘記了加入群組的初心，令小弟非常失望。 我同意糖尿病患者除了需要面對醫學治療，飲食及運動尤其重要，我個人認為，對於新確診的糖友來説，正確有用資訊比到什麽地方買麵包蛋糕餅乾小食吃更加重要，而且我相信大部份糖友未必可以長期應付高昂副食品消費，近日我一直思考這樣對於控糖有什麽幫助？ 當一個人出現血糖問題(不論已確診或前期)，第一時間是盡快認識糖尿病，深入瞭解怎樣控制及穩定血糖，立即學習改變飲食習慣， 而不是該吃什麽小食來維持或滿足嘴饞。 糖尿病出現，是為了提醒糖友是時候正視自己起居飲食、生活作息，從新回到健康路上，而不是換個食材，自己騙自己。 如果不從控制飲食份量、增加運動量為原則，單靠用錢買來飽足感，齋口不齋心，那是“哄”糖而不是“控”糖吧。 控糖是節制，控糖是習慣，控糖是利用最簡單原始方法令自己不被誘惑，控糖是我吃白米飯仍比你吃藜麥血糖還要漂亮、還要飽肚。

單睇頭兩項，就分分鐘有成百萬人唔使諗打疫苗，仲未計吸煙人士及年紀大長者，既然咁多限制，點解仍然堅持用世衛都未通過使用嘅科興？香港政府究竟想點？

琴晚天氣好悶焗，瞓得唔係咁好，今朝好早就起咗身，無無聊聊又唔想自己整嘢食，於是落街去大快活食咗呢份早餐，今日竟然食得曬(平時通粉食一半)，跟住四圍行下，返到屋企閙鐘響(食嘢時習慣調好倒數兩小時)，拿拿聲篤下手指，睇下餐後會唔會升(早餐我跟針、藥，所以一般唔會升好多)，咦！5.2mmol/L，即係代表針藥份量fit到漏油，正！ 以上重點係： ①確診糖尿病患者係絕對需要配合醫學，達致平衡及穩定血糖。 ②詳細血糖記錄(篤手指)有助醫護調整適合自己嘅藥物劑量，當血糖值改善，可以適時減藥(小弟九月到而家，已經減咗三次藥)，所以用藥並非一定越食越多。 ＊圖片內葯物包括：Amlodipine(血壓)、Atenolol(血壓)、Losartan(血壓)、Empagliflozin(糖尿)、Metformin(糖尿)、Pioglitazone(糖尿)、胰島素針劑 改變飲食習慣、配合藥物輔助、加強運動量，控糖就係咁簡單，為乜要用乜乜物物方法虐待自己？使乜花無謂錢去買大堆保健品？點解要捐窿捐罅去揾特別食材？ 真係咁得閒？