去黃埔Aeon行到肚仔餓就要搵野食，見到有間 誠拉麵，就食呢間啦，一人午餐🍜 叫咗碗白豚骨拉麵🍜，轉套餐加 +$15，就有日式沙律🥗 + 餃子(3隻)🥟 + 罐裝汽水(1罐) 可轉解茶/解綠茶一支🍵 白豚骨拉麵 配料有海苔3片 + 木耳絲 + 蔥 + 半熟玉子蛋1隻 + 叉燒3片 $85 湯底濃郁，又滑又香，飲落唔會太咸，唔會太油膩，味道啱啱好；拉麵質地幼細，軟硬度適中；每一塊叉燒都燒過，肥瘦均勻，肉質嫩滑又香；半熟玉子蛋，一啖放哂入口，即溶化，好正好味道；木耳絲夠哂爽口 餃子🥟即叫即煎，煎得香脆，皮薄餡多 日式沙律菜 + 粟米，新鮮好味🥗 解綠茶一支🍵 誠拉麵 (紅磡) 紅磡黃埔天地青樺苑(第5期)AEON百貨地庫B107號舖 #誠拉麵 #紅磡 #黃埔天地 #AEON #拉麵 #foodblogger #foodie #foodies #hkfoodies #hkfoodieblogger #happyhappy💛💟 #bloggers #hkbloggers #influenspace #bloggerlife #yummyfood #分享生活點滴 #是日午餐 #香港本地遊
公司附近原來有間居酒屋，店內裝修有日本居酒屋feel，收工就同朋友相約在此；店內仲有間VIP房，可以坐到8-11人，想成班朋友一齊坐就啱哂 入到去望住個餐牌已經睇到好多款美食，我坐嘅位置，仲可以睇到師傅係廚房燒緊串燒 首先嚟嘅係兩杯飲品【北海道士多啤梨牛乳乳酪 $48】清新配搭好夾，味道甜甜地；另一杯【蜜桃烏龍“熊”茶 $58】被隻可愛熊仔吸引住，冰熊仔浮上面，玫瑰花瓣帶點花香味，蜜桃烏龍茶甜度剛好。咁靚嘅飲品打卡就最正 我地揀咗4款串燒【原條黑豚露荀卷 (麻辣) $38】黑豚肉味濃，露荀清甜好味，仲搽上麻辣醬，辣得惹味、【黑豚荔枝卷 (麻辣) $38】黑豚肉彈牙，夠入味、【沖繩黑糖燒菠蘿 $38】燒菠蘿，甜到入心、【雞翼 (蜜糖) $32】甜甜蜜糖雞翼好入味；另外仲有【茄子 $18】外層燒得乾身，內裡軟綿綿 食完串燒，當然唔少得就係食刺身啦，叫咗個【三點刺身盛 $258】有三文魚三片、油甘魚三片、劍魚腩二片，每件都係厚切，鮮甜肥美 (份量減少咗，每款二片 $181) 重頭戲嚟啦【芒果芝士龍蝦 $288】原價係276，依家半價就食到原隻波士頓龍蝦，仲要起哂肉，龍蝦肉鮮甜好味、爽口彈牙，仲要夾埋芝士、芒果、蟹籽、沙律醬一齊食，口感超豐富，抵食又好味 最後一碟就係【雙重芝士鰻魚卷 $168】面層係厚厚嘅燒鰻魚，中間仲夾住半溶嘅芝士，最底就係青瓜卷，芝士包住條青瓜，食落有層次感 黑木亭居酒屋 (天后) 天后清風街10號清風大廈地舖 #黑木亭居酒屋 #黑木亭 #居酒屋 #天后 #日式料理 #foodblogger #foodie #foodies #hkfoodies #hkfoodieblogger #happyhappy #bloggers #hkbloggers #influenspace #bloggerlife #yummyfood #是日晚餐
秋天來臨，就逐漸踏入冬天，腦海就會出現食緊臘腸嘅畫面，今次用咗全新包裝嘅奇華切肉臘腸同奇華鮮鴨膶腸，放臘腸係飯上面一齊蒸，蒸完嘅臘腸散發陣陣嘅香味，飯帶油香，食到津津有味 [ 奇華切肉臘腸 ] 用咗新鮮豬上肉作主材，由經驗豐富嘅師傅用香醇玫瑰露酒 + 頂級醬油自家調配，再灌入天然豬腸衣中，使醇厚濃郁嘅臘腸入口更香甜美味。熟後嘅臘腸口感軟硬度適中 [ 奇華鮮鴨膶腸 ] 用咗優質澳洲進口鴨肝新鮮製作，質感細嫩幼滑，烹調過後酒香撲鼻，濃厚嘅鴨肝油香遊走齒間，鮮味四溢。就算簡單咁配白飯，每粒飯都被鮮鴨膶腸嘅甘香油脂包著，啖啖滋味，垂涎回味，實在令人難以抗拒。熟後嘅膶腸口感軟腍 由10月28日至11月3日一連七天，奇華會推出「八折七天」門市及網店同步限時優惠 去奇華餅家全線分店 及 奇華網店：bit.ly/3LRFuOA 到時買 [ 奇華切肉臘腸 ] 及 [ 奇華鮮鴨膶腸 ] 兩款時令限定滋味食材，即享有8折優惠 另外「奇華Fans」係11月14日至12月15日期間，到奇華餅家全線分店，用正價買 [ 奇華切肉臘腸 ] (10條裝) (每包港幣港幣218元正) 或同等價值，就會送一張30元電子現金券 *圖片中嘅食物不能浪費，拍攝完已食哂了 #奇華餅家 #keewahbakery #奇華臘腸膶腸 #切肉臘腸 #鮮鴨膶腸 #珠姐XO醬 #八折七天 #奇華Fans #香港製造
夜媽媽收工肚仔餓，又好想掃街食嘢，朋友帶我去大圍食佢中學時期成日都去食嘅店舖，人來人往，多人圍住食店，仲有人排隊等買添。友人話佢哋嘅秘製辣汁超正，唔食辣嘅都一定要試。睇完有咩樣想食，就即同店員落單，兩個人每款都叫啲，都叫咗好多樣 必食 [ 串燒豬頸肉 2串 ] 及 [ 串燒魷魚串 ] 即叫即燒，味粉仲有好幾款比你揀，我哋就揀咗咖哩粉及孜然粉，好香燒烤味，邊邊位燒得好香脆，食落肉質嫩滑又多汁；魷魚口感煙韌有咬口，夠哂入味，兩樣都係咁好味 叫咗碗大碗嘅 [ 油渣麵 ] ，湯同麵分開放好，攞到返屋企湯底仲係熱辣辣。份量好多嘅豬油渣炸得好香脆，食落唔油膩，清湯湯底，再加埋辣菜莆一齊食，又辣又惹味 再叫咗碗兩溝，大大碗，勁足料嘅 [ 魚肉翅 ] 勁多條粗粗嘅魚肉，食落口感彈牙，每一啖都食到冬菇及木耳，翅底濃稠適中，落埋醋一齊食就更正 仲叫多碗 [ 韭菜豬紅豬腸 ] ，份量好多嘅韭菜，新鮮嫩綠、豬腸份量多，洗得乾淨，肥瘦均勻，口感爽脆，加埋豬紅更滿足 熱辣辣又炸得香脆嘅 [ 炸大腸 ] 食兩串真係唔夠喉，炸得香脆又唔會太乾，食之前要唧埋甜醬及芥末，就更加惹味。[ 牛柏葉 ] 口感爽爽脆脆、[ 水魷 ] 及 [ 墨魚 ] 彈牙口感 超抵食嘅 [ 煎釀三寶 ] ，每款都好吸引，除咗常見嘅紅腸、魚蛋、勁大塊雲吞、茄子、青椒，仲有原隻虎皮青椒、西蘭花、冬菇，辣餃子，每款都大大件，新鮮炸起，熱辣辣好好味，釀埋魚肉，令口感食落更彈牙及 juicy 燒賣魚蛋簡直係絕配，有魚味嘅 [ 燒賣 ] 食落煙韌，爽口彈牙，配埋秘製辣汁更美味；食落有淡淡陳皮味嘅 [ 陳皮魚蛋 ] 細細粒，口感彈牙 大圍小食 大圍富嘉花園22號地舖 #taiwaisnacks #大圍小食 #大圍美食 #大圍 #掃街 #香港小食 #外賣 #街頭小食 #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #foodies #hkfoodies #foodblog #hkfoodieblogger #hkfoodshare #foodporn #instafood
平靚正生活日常用品 上網就買到 Happy share Facebook 及IG 不定期有Giveaway 歡迎Follow, please🥰 FB：facebook.com/sukipeiyy IG：instagram.com/sukisukiy
266 Followers
0 Followings
460 feeds
:background_color(white)/https://avatar-storage.neard.com/88f8736f2964c0264ec28eba26431811.20210113043346.1610512426.3864.jpeg)
36 Followers
311 Followings
0 feeds
:background_color(white)/https://avatar-storage.neard.com/profile.40313.1637112971706.png)
3584 Followers
7 Followings
770 feeds
:background_color(white)/https://avatar-storage.neard.com/fc5b56953c250428f87856616774b4ad.jpeg)
0 Followers
18 Followings
0 feeds
:background_color(02a484)/https://avatar-storage.neard.com/profile_avatar_illustration-02t.png){kind=avatar}
/https://static.neard.com/images/app/district-covers/hk/%E7%81%A3%E4%BB%94%E5%8D%80.jpg)
/https://static.neard.com/images/app/district-covers/hk/%E5%8D%97%E5%8D%80.jpg)