暫時未能出遠門，卻又想遠離煩囂，適逢屯門至赤鱲角連接路通車，以及青嶼幹線豁免收費，不妨考慮一下香港迪士尼樂園度假區推出的港人限定「2晚起奇妙住宿優惠」! 香港迪士尼樂園推出香港居民尊享的「2晚起奇妙住宿優惠」由2021年3月1日至14日預訂香港迪士尼樂園酒店或迪士尼探索家度假酒店住宿2晚或以上，標準客房每晚只需港幣$840起，海景客房每晚只需港幣$960起！ 酒店網站：hongkongdisneyland.com/zh-hk/offers-discounts/limited-time-room-offer-hk/details 記得留意返T&C啊！ #本地遊 #酒店 #爆房 #Staycation #迪士尼 #優惠 #三八
Hi 爆房 Buddies ✋🏻 又係我房事達人啊 🙈 今次小妹出久違了嘅酒店介紹 😃 希望幫到想爆房嘅Buddies們喇 🥳 酒店：旺角智選假日酒店 智選假日酒店即係Holiday Inn，聽個名都知有啲名氣啦，講少少背景先。其實Holiday Inn係洲際酒店集團旗下嘅一個品牌，全世界有多達1,300嘅分酒店。而呢個旗下品牌主打係商務旅遊，即係For商務旅客啦，當然你唔係商務都得嘅。🤣🤣 小妹因為都幾鍾意呢個品牌，所以加入左洲際酒店集團IHG嘅會籍，有咩用呢？其實一般都係可以Early Check in & Late Check out，Welcome Drink，Upgrade之類。不過個人認為Holiday Inn呢個品牌嘅酒店相對較為樸素，Upgrade房間都未必有咩驚喜。🤣🤣🤣啊！講多樣先，因為係主打商務旅客，所以訂佢哋酒店嘅時候，一般(我淨係知香港)都一定包埋早餐，唔使加錢。 好喇，講完背景，就講下入住體驗。呢間酒店係位於旺角登打士街1號，坦白講，位置唔太方便，因為你由最近嘅旺角地鐵站行過去都至少要8分鐘，行去彌敦道排巴士站都要至少5分鐘，因為旺角啲內街多車多燈位多人，所以行過去段路都幾麻煩，夏天的話可能會有啲躁底添。🤣不過都算係靜中帶旺嘅，去旺角油麻地行街街嘅話，起碼唔使搭車，而且位置處於渡船街則邊，嗰邊人少少，又無咁多大廈，私隱度高。 房間方面，好簡約，基本要用嘅洗漱用品有，如果想再額外嘅可以Request，免費有的。有雪櫃，有鬧鐘，有部比較細嘅電視機，床就大約1.5-1.7米。小妹住過香港4間唔同嘅Holiday Inn，旺角呢間嘅床褥最舒服！而且佢兩邊放咗唔同款枕頭，分咗「軟」同「硬」，大家有得揀。🙈🙈其實除咗枕頭之外，佢哋連牙刷都可以揀「軟毛」同「硬毛」，大集團就係有呢種細心？🙈🙈廁所就乾溼分離，而且空間都幾大，幾舒服。呢間酒店房唯一有一樣嘢我係覺得差嘅，就係冷氣，唔知點解硬係有啲房啲冷氣好鬼凍，有啲又完全唔涼。夏天嘅時間真係唔得佢燶。 至於其他設計，冇游泳池，如果想游水嘅話，麻煩Book隔離嗰間希爾頓。不過因為商務酒店呢，就會有洗衣房，你可以自己帶衫去洗，不過都幾貴，問過佢哋，洗衫40蚊一次，乾衫又40蚊一次，嗯，我手洗算。😰 啱先提過，Holiday Inn會包早餐嘅，想食豐富早餐嘅朋友留意了！小妹個人認為香港三大間Holiday Inn嘅早餐水平都參差， 旺角：不是自助，有六款選擇，比較普通。 將軍澳：自助，不過食物種類少，而且唔好食。 觀塘CBD2：自助，好食！多嘢揀！正！ 以上，就係小妹嘅酒店介紹分享啦，有咩可以直接問我或者去我群組的聊天室問我。利申：我唔係做酒店行業，亦不是打手，我係一個純愛好者酒店嘅女仔。 #酒店 #爆房 #Staycation #Sexcation #酒店介紹 #酒店推介 #旺角 #旺角酒店 #HolidayInn #洲際酒店 #本地遊 #localtravel #旺角智選假日酒店 #早餐
嚟到2020年最後的一天，亦都係今日要最後要介紹嘅酒店 - 香港海洋公園萬豪酒店 位置📍：黃竹坑黃竹坑道180號 👉🏻 交通都算幾方便，架去海洋公園就會去到呢一間酒店！不過呢間酒店附近係咩都冇，便利店超市等等都好缺。 房間🚪：房間好新淨，裝修都好時尚，好光猛好舒服！而且好大！ 衛生🧹：打掃做得不錯，起碼入到起冇見到唔乾淨。 景觀🌄：因為酒店係內園式設計，一係就望返酒店入面泳池，一係就望返街景，其實冇咩好睇。 設施🚲：最值得提係個泳池，好大好大，而且仲有啲水上設施！去得你就預左要落水！ 價錢💰：$1,500 或以上 評分✔：9/10 #香港海洋公園萬豪酒店 #海洋公園 #酒店 #爆房 #本地遊 #開房 #Staycation #酒店實測 #酒店評價 #酒店評價 #酒店衛生 #酒店房間 #酒店景觀 #酒店設施 #Hotel #HotelReview #Sexcation #14天酒店介紹
今次介紹嘅酒店都係 #逸東酒店 逸東酒店都住過好幾次，其中一次就住左佢哋新裝修既「逸。新」房型。 呢個房型其實大細同其他差唔多，至於裝修方面，係新啲既，但都唔算同其他差好遠。 不過其中有幾樣野係呢間房獨有既。 1. 房間放左鹽晶燈 2. 床係用乳膠床褥 3. 電視係Smart TV 床嚟講，真係真心舒服，唔係靜係軟，仲係好貼服自己個身體，真心好舒服既。 而電視方面，係可以睇Youtube啊，Netflix啊～一定唔悶 價錢方面六月個時訂就係$550左右 都OK既 推薦！ 評分：4/5 #酒店推介 #酒店介紹 #酒店評價 #酒店 #爆房 #本地遊 #油麻地 #佐敦 #黃色經濟圈 #hotel #staycation
房事達人是也😚！想睇酒店介紹、酒店優惠、酒店評價等資訊，立即加入世界爆房酒店攻略群組！🤩
20 Followers
0 Followings
64 feeds
:background_color(white)/https://avatar-storage.neard.com/88f8736f2964c0264ec28eba26431811.20190327123259.1553689979.5142.jpeg)
10 Followers
0 Followings
120 feeds
:background_color(white)/https://avatar-storage.neard.com/profile_avatar_illustration-03.png){kind=avatar}
4 Followers
1 Followings
10 feeds
:background_color(white)/https://avatar-storage.neard.com/profile_avatar_illustration-06.png){kind=avatar}
27 Followers
0 Followings
240 feeds
:background_color(white)/https://avatar-storage.neard.com/0b99714d06bb19c5ae1e18c50244c18d.jpg)
5 Followers
0 Followings
16 feeds
:background_color(white)/https://avatar-storage.neard.com/7a93eeae5613d4540879ae087dac0edd.jpg)
1 Followers
0 Followings
0 feeds
:background_color(white)/https://avatar-storage.neard.com/cf6b33959cf27453152221b09f589c66.jpg)
/https://static.neard.com/images/app/district-covers/hk/%E8%A7%80%E5%A1%98%E5%8D%80.jpg)
/https://static.neard.com/images/app/district-covers/hk/%E8%91%B5%E9%9D%92%E5%8D%80.jpg)