#轉 有好多成年人，不時都會懷緬讀書時期嘅青春日子，但係你哋做嘅嘢，唔知有冇呢班後生仔咁熱血呢？近日有網民發現一段YouTube搞笑Vlog，幾位沙田賽馬會體藝中學中四學生因為鍾意戶外運動，居然忽發奇想，拍低咗自己撐獨木舟返學嘅經過。當事人阿Sun表示：「因為學校同屋企都鄰近城門河，有日同朋友傾傾下偈，就諗到要試吓撐艇返學。」 於是，佢地就喺上年10月嘅某一日，凌晨四點起身收拾行裝，開始咗佢地嘅撐艇返學之旅；由烏溪沙石灘出發，沿城門河經大水坑前進。 雖然途中同船朋友一度「吞泡」唔撐，食花生；阿Sun又撐艇撐到自己成頭濕晒，但係最終他們都成功到達學校，歷時約1.5小時。完成之際，阿Sun同朋友都忍唔住振臂高呼「挑戰成功」，夠晒青春、夠晒熱血。 #城門河 #烏溪沙 #大水坑 #賽馬會體藝中學 #沙田