此蝦屎不同彼蝦屎🦐💩 (晚餐中) 男人：呢個茄汁蝦好好味呀，正！ 女人：多謝讚賞。吖！講起蝦，宜家先記得講添。頭先我見到一條好大條嘅蝦屎呀！ 男人：蝦屎？！哦...你洗啲蝦嗰時見到嘛。係，係，係，辛苦晒你挑走晒啲蝦屎，唔該晒你囉！ 女人：唔係呀！我唔係講嗰啲蝦屎呀！ 男人：唔係嗰啲蝦屎，咁仲有邊啲蝦屎呀？乜有好多種蝦屎嘅咩？ 女人：我講緊你個女喵喵啲蝦屎呀！ 男人：咩呀？喵喵嗰啲係貓屎，點會係蝦屎呀？嗱...你又口快講錯咗嘢，明明想講貓屎，變咗講蝦屎！都話你成日開口蛤著脷㗎啦！ 女人：頭先我係講蝦屎，冇講錯呀！只係呢條蝦屎亦係貓屎囉！唉…講極你都唔明㗎，你自己睇喇！ (女人取出手機，向男人展示一張相片...) 男人：吖！你做咩咁唔小心跌咗咁大隻蝦喺貓屎盆呀？ 女人：你真係發雞盲㗎！呢條唔係蝦，係喵喵痾出嚟，個形狀成條蝦咁樣嘅貓屎呀！ 男人：係喎！真係一條蝦屎呀！果然真係此蝦屎不同彼蝦屎呢！哈哈哈... ⭐如果喜歡我寫的文字，請讚好👍🏻追蹤❤及分享😊 IG: instagram.com/mgapp.writer FB: m.facebook.com/mgapp.writer #紋鬼阿布豬#小小作家#喜歡寫作#文字創作#原創寫作#網誌#寫作#創意寫作#寫文章#故事#笑話#作家#豬#豬仔#男人#女人#貓咪#愛情#拍拖#喵喵#喵咪#貓屎#便便#蝦屎#蝦#痾屎#發雞盲#晚餐#美食#美味