~MUM 日常野菜料理~ 四品料理($1️⃣2️⃣5️⃣) 呢間都好多人食過，早排未禁堂食嗰時，已經同朋友去咗🤓，我自己好中意呢類日式料理，每樣都可以試下，好滿足。 咁多樣裏面，我覺得天婦羅最好食😍，炸得好香口，佢本身已有調味，唔使點醬都好好食，大推! 另外南瓜薯餅都好正，應該係自家製🤗，好好食。茶杯蒸就冇咩特別🤔，同平時食既差唔多。另外紫薯沙律都唔錯，甜甜哋，紫薯味較濃。 我覺得我呢一set啲野都好好食，不過我朋友叫咗其他款，我自己覺得就比較清淡，例如信田卷同埋西蘭花薯仔沙律，佢叫嗰啲就唔太啱我🤣，我就唔推薦喇。 推薦: 野菜天婦羅，紫薯紅菜頭青蘋果沙律，南瓜薯餅 味道👍 ：08/10 CP值💰：08/10 環境🍽 ：06/10 (food court,好暗) #mum日常野菜料理 #mumveggiecafe #逸東 #逸東酒店 #eatonhongkong #eatonhotel #eaton #foodloversdiary #nearD好西 #佐敦 #佐敦美食
~Hotel Icon~ 之前食過Hotel Icon既中菜廳，感覺幾唔錯，今次就試下佢個 #巴黎之約浪漫下午茶，睇下質素如何。呢個tea set都唔算平，2個人要688蚊加一😳，外型係巴黎鐵塔，賣相都唔錯。不過啲食物質素就比較參差喇🤪，唔係樣樣都好食。 ✅: 1️⃣英式傳統鬆餅 好鬆軟，好香牛油味😚，配埋clotted cream and jam，真係無得頂。 2️⃣英式芝士多士 好脆，好濃芝士味，係咁多款鹹點當中表現最好嗰款。 3️⃣意式士多啤梨芝士玫瑰撻 中意佢有唔同層次既味道，外層花瓣偏甜，但入面偏酸，兩者加埋一齊嚟食，味道啱啱好~ 4️⃣雜莓心形朱古力 佢用咗黑朱古力，啲慕斯酸酸甜甜，唔錯。 5️⃣意式雲呢拿奶凍 個人最中意呢款甜品😚，好重雲呢拿味，佢比平時食既奶凍稀，但奶味依然重，啱哂我。 ❌： 1️⃣焗火腿芝士三文治 佢喺一塊好乾既西多士上面配咗一塊parma ham，乾到冇人有🙃，又冇芝士味，我情願食普通芝腿治。 2️⃣香草鮮茄芝士串 又唔可以話佢伏，但好hea🤨，佢用咗片塊芝士，唔講會以為係野餐啲小食。 3️⃣士多啤梨馬卡龍香檳啫喱 呢個係全場最伏😡，我未食過咁難食既macaron。切開嗰下都知中伏，勁甜勁硬，冇杏仁味，我冇諗過酒店出品既macaron可以咁難食。 整體嚟講普普通通喇，呢個價真係貴咗啲，食物質素冇想像咁高，不過佢呢個tea set會送la maison du chocolat😍，開心返少少。 味道👍 ：07/10 CP值💰：06/10 環境🍽 ：09/10 #themarket #hotelicon#hoteliconteaset#green#唯港薈 #hoteliconhk #foodloversdiary #nearD好西 #尖沙咀美食 #尖沙咀 #酒店下午茶 #下午茶 #愛情 #love #情人節
~ 熾工房 ~ 今次去得遠少少😂入長洲食翻夠本🎉呢間之前kk就見有人介紹，一直都好想試🙈不過試完就覺得還好 蕃薯條($2️⃣6️⃣) 呢個其實食落都ok😂食落甜甜地又夠香脆🙈配埋茄汁，味道都幾豐富👍🏻不過個人覺得如果少左外面包嘅麵包糠可能會更好😂同埋整體而言有少少油膩😂😂如果無咁多油嘅，應該感覺會好正 滋味雞翼10件($3️⃣0️⃣) 呢個雞翼個人覺得係最佳👍🏻因為係新鮮炸岀黎嘅🙈所以好夠熱同好夠脆🙈食落都有少少鹹香味👍🏻配埋蜜糖芥末醬👍🏻都幾惹味🙈但同蕃薯條一樣佢整體都偏油，食落會有少少膩 滋味脆雞($1️⃣6️⃣) 呢個同雞翼差唔多🙈佢一樣炸得啱啱好，外脆內滑嘅同時又保留到本身嘅肉質👍🏻但相對無雞翼咁入味😂食落唔夠雞翼惹味🙈同埋都有偏油嘅問題 總括嚟講，如果佢哋唔係食落咁油膩，其實啲嘢食都唔差😂😂但kk同yy就未必會再試 味道👍：07/10 CP值💰：08/10 環境🍽：08/10 #熾工房 #wowlab #長洲 #長洲美食 #foodloversdiary #nearD好西
今篇就同大家講下凱悅既餐飲💁🏻♀️，由於個package 包哂3餐，所以真係試哂3餐。 ~午餐~ 午餐由咖啡廳提供送上房，有中西印餐揀，我哋揀咗一個海南雞🐥飯同埋咕嚕肉飯，2個甜品都係芒果🥭布丁。 坦白講，呢餐質素係失望既😞，如果係普通連鎖餐廳，我覺得仲可以收貨，但以酒店而言，真係唔太掂。 海南雞啲份量係多，不過肉質唔算滑嫩，但醬汁整得唔錯。最大問題係個油飯，太乾太硬😩，真係要溝住湯食先ok。而個咕嚕肉偏肥，瘦啲會比較好，因為佢炸得都幾硬下。最後個芒果布丁真係出咗事，味道ok，但佢唔夠滑，內裏好多氣泡🤯，所以唔好俾佢個樣呃咗。 味道👍：4.5/10 ~晚餐~ 比起午餐，晚餐情況好好多，雖然都係由咖啡廳供應。不過晚餐既中菜由凱悅軒提供💁🏻♀️，相信應該好過午餐既。 其實本身晚餐唔係三文魚，因為佢轉咗menu，但酒店方面好好，知道咗我媽咪唔食牛肉後，幫我哋轉咗三文魚☺️，所以呢餐食得好滿意。 三文魚份量好大條好厚，肉質好juicy，不過有啲位置偏燶，而西蘭花烚得好爽脆，食完真係超級飽😚。佢仲配埋甜品芝士蛋糕，呢次甜品好食好多，真係大滿足。 味道👍：8.5/10 ~自助早餐~ 自助早餐就冇咩特別，同一般酒店差唔多，但估計因為要防疫，所以佢分咗2邊，其中一邊啲款式好似多啲，因為我到有窩夫🤣，但我嗰邊冇。 不過佢今次早餐食得好趕，得一個鐘，唔可以舒舒服服坐喺到嘆下，呢點就有啲失望喇。 味道👍：07/10 如果俾我揀多次，我應該揀佢個1000蚊餐飲回贈💁🏻♀️，拎嚟試Hugo's 或凱悅軒都唔錯。 #hyatt #hyattregency #hyatthk #hyatttst #staycationhk #staycation #foodloversdiary #酒店 #neard好西 #尖沙咀 #尖沙咀美食
兩位90後女仔 : KK🐱& YY🐑 Open🍚LV3 平時鐘意食野同去旅行✈️ 🇭🇰🇨🇳🇹🇼🇰🇷🇯🇵🇬🇧🇹🇭🇦🇺🇮🇹🇵🇱🇵🇪 同大家分享各國美食😍 ig: food_loversdiary
726 Followers
98 Followings
926 feeds
:background_color(white)/https://avatar-storage.neard.com/4816fdeff6c69bec54d7603497ca1f5b.20200918045141.1600404701.1679.jpeg)
177 Followers
3 Followings
228 feeds
:background_color(white)/https://avatar-storage.neard.com/profile.2942.1636741632813.png)
/https://static.neard.com/images/app/district-covers/hk/%E6%B2%99%E7%94%B0%E5%8D%80.jpg)