轉貼鬼故事： 大家好， 我係一名消防員，大約十幾年前，農曆七月期間，喺夜晚三點零收到轉有人困𨋢嘅call。地址係葵盛西邨，嗰時啲𨋢都未裝有cctv。 我地去到現場，喺地下大堂打開個𨋢門，見到部𨋢喺大約8、9樓之間。咁我地嗌上去，問：「係咪有人困𨋢呀？」成隊車更五個人，聽得好清楚，有個小朋友應：「係呀！好驚呀！快啲嚟救我呀！」咁老總就話上樓做嘢喇，之後我地上到9樓，打開𨋢槽度門，就見到個𨋢頂。我地再問一次：「係咪困𨋢呀？」個小朋友亦都好清楚咁回應：「係呀！好驚呀！快啲救我！」咁老總就派三個師兄上天台放𨋢喇，我就同老總喺9樓，等部𨋢升上嚟，個過程一路都望住部𨋢 好喇，啲師兄上左天台做嘢，部𨋢慢慢升上嚟，升到9樓時，我打開埋隻內門，入面乜都無... 淨係有把小朋友聲，由近到遠咁：「唔... 該... 晒... 呀... ！」 當時我眼望老總，老總又望返我... 老總就嗱嗱聲掩返埋度門，講左聲：「幫你嘅啫，幫你嘅啫... 」就執架撐跑落地下大堂喇.. 啲師兄返到車之後仲問，夜嘛嘛點解會有小朋友困𨋢嘅，但係就見到兩個青都面埋嘅同事喺度震同不斷扯煙仔🤣🤣🤣 #轉 #香港02 #鬼故 #新八講鬼