上得山多, 未遇到發哥 // 65歲嘅周潤發，多年嚟嘅生活都係好簡約，行山、去吓茶餐廳就係去佢平日嘅節目，前日就有網民喺大欖涌引水道遇見發哥，網民仲見到發哥嘅感動一幕，喺facebook寫「今次他落單了，原來是留下來替晨運婆婆處理傷患，感動！」仲貼咗一張應該係發哥背影嘅相片。發哥咁熱心，當然惹來好多網民嘉許。另外，又有網民貼咗同發哥嘅合照，相中嘅發哥冇戴cap帽，全頭白髮，不過日日都做運動嘅佢好fit，精神又好，好多留言都讚發哥依然好有魅力好靚仔！ 其實唔少人都試過行山時撞過發哥，發哥對行山友要求合照有求必應，通常都係一身行山look、戴住cap帽selfie，casual又親切。發哥除咗冇巨星架子之外，以前又試過俾人影到佢坐巴士，前年佢年去台灣宣傳《無雙》，空檔時候都係坐捷運出街，就算去到台灣都一樣welcome selfie，好nice。 其實發哥本身有認證微博，但佢對上一次上微博係轉發同劉嘉玲嘅行山相，都已經係五年前嘅事，而三個月前發哥喺北潭涌行山時曾經接受記者訪問，當時正值政府實施全日禁堂食，發哥就鬧鬼政府有冇諗過市民，令到勞動階層喺條街度食飯好似乞兒，醫護人員又辛苦，搞到大家都慘。發哥明白民間疾苦，佢亦都關心社會，唔係平衡時空。// #行山 #發哥 #周潤發