一幻拉麵16號喺屯門開嘅分店，最近受邀試食🙈店舖有成1,320平方尺，共65個座位，等我同大家分享下先🍜～ #北の極番茄蝦湯拉麵 $78 8.5/10 ———————————— 呢款拉麵係屯門店限定，湯底依舊用上一幻嘅招牌甜蝦湯底，所以每一啖湯都有濃濃嘅蝦鮮味🦐不過由於蝦味太勁，反而食唔出番茄味🤔拉麵附有半隻溏心蛋、日本叉燒、切片番茄同粟米粒🌽可以自行選擇粗幼麵同配料，如麵酥同香蔥，原來麵酥即係紅薑粒天婦羅！平時我係咩薑都唔食🙈不過呢個炸過非常香口，配埋拉麵亦增添口感。 #札幌咖喱蝦湯拉麵 $78 7/10 ———————————— 呢款係朋友揀嘅冬日限定，湯頭除咗沿用蝦湯外，亦有北海道湯咖喱，一上枱就聞到勁濃咖喱味👀由於我哋影咗好耐相，所以個麵都嗦晒啲湯咁滯，難免有啲偏鹹😂呢款麵附有大量角切瘦叉燒，我覺得呢碗比較重口味，啱男仔食多啲🙈 #餃子5隻 $35 8.8/10 ———————————— 5隻餃子都煎得好香脆🥟豬肉新鮮又多汁，不過身為餃子控嘅我就略嫌細隻，如果裡面再多啲菜/蔥就更好😆 總結：店舖環境非常乾淨，我哋影咗好耐相啲麵都無淋到😆如果落單時有得揀麵質軟硬度就更好♥️試食嘅呢兩款拉麵鮮蝦味甚濃，推薦大家食屯門店限定啊，另外仲有款叫甜辣小蝦沙律都唔錯✌🏻 ✨12月16號開幕日至20號，惠顧任何一款拉麵就可以免費食第二碗。 ✨12月21號至1月10號，$128就可以享用一碗新店限定拉麵或拌麵、5隻餃子、一款指定飲品，同時亦可以獲賭抗菌潔手噴霧🦠～ 💭一幻拉麵 💭屯門市廣場一期2樓2319號舖 ♥️請𝚏𝚘𝚕𝚕𝚘𝚠個人𝙸𝙶 : @150cmevita / @hkfoodievita 心 𝙵𝚊𝚌𝚎𝚋𝚘𝚘𝚔 𝙿𝚊𝚐𝚎：150cmlittlegirl ———————————— #拉麵 #香港美食指南 #美食推薦 #屯門美食 #一幻拉麵