《保養品空瓶記錄》 #AHC化妝水 呢個AHC嘅化妝水，kk已經唔係第一次試🙈因為呢個係kk係大學時期用得最多嘅toner 🙈🙈因為價錢相對比較平，加上用落感覺都還好🙈所以cp值都幾高👍🏻👍🏻佢比一般嘅化妝水黏稠少少，但上面嘅負擔其實唔大，仲好易吸收👍🏻保濕力kk覺得對油肌黎講係夏天都ok，但冬天就未必足夠🤔不過佢成份對kk黎講都幾好，因為肌膚唔穩定嘅時候用都冇問題💗所以呢枝toner對kk黎講都幾唔錯 性價比✴：8/10 推薦度❇：8/10 想睇多啲kk同yy嘅makeup 同skincare share㩒呢個tag 就得啦 👉🏻 #kkyymakeup #foodloversdiary #美妝
～Asiri~ 其實呢間好耐之前食過，不過今次再食我覺得比上次好食🤣，款式都多咗。 雞髀湯咖喱（$1️⃣1️⃣8️⃣） 套餐配咗一杯飲品、湯、沙律同埋主食。 個雞湯我就唔推薦啦，係唔好飲嘅味精湯😅，不過個沙律都OK，同平時食嘅薯仔沙律差唔多味。 個雞髀湯咖喱好多料，佢個雞髀煮到好淋，入口即溶，不過味道比較淡。而佢其他配料就好新鮮😍，啲蔬菜勁鮮甜，不過個西蘭花🥦炸得耐咗少少，所以比較油。 蝦湯咖喱（$1️⃣3️⃣8️⃣） 之前嚟嗰陣時係冇蝦湯咖喱，所以今次特登試吓。 比起雞髀，我覺得蝦湯㗎呢個湯底更加鮮甜，可能係因為加咗蝦嘅緣故🥰。除咗個湯有蝦之外，另外仲配左蝦天婦羅🍤，感覺超滿足，如果要我二揀一，我會推薦蝦湯咖喱多啲。 味道👍 ：8.5/10 CP值💰：08/10 環境🍽 ：8.5/10 (環境幾好） #asiri #湯咖喱 #咖喱 #asiricafehokkaido #asiricafe #nearD好西 #foodloversdiary #鰂魚涌 #鰂魚涌美食 #放假做咩好
~ 繼光香香雞 ~ 話說最近繼光香香雞岀左新野❤️Kk見到就梗係要去試下啦🙈佢今次岀嘅係金沙雞翼同川麻雞髀扒👍🏻聽落就已經覺得好唔錯 金沙雞翼5隻 ($3️⃣7️⃣) 最近爆漿金沙嘅食品呢係台灣好受歡迎，估唔到繼光香香雞咁快就有得試🙈🙈佢嘅雞翼真心炸得啱啱好，又脆又嫩🙈不過最正係佢個金沙醬，蛋黃味超級重超級香❤️味道係鹹香得黎，又有少少嘅甜味👍🏻配埋雞翼真心又香又惹味 川麻雞脾扒 ($3️⃣8️⃣) 呢個Kk真心好鍾意🙈啲雞扒又嫩又多汁❤️食落係外脆內嫩㗎👍🏻👍🏻再加上佢食落香香麻麻嘅味粉💗真係又香又麻😍食到停唔到口😂呢個真心可以試下 味道👍 ：08/10 CP值💰：09/10 #繼光香香雞 #金沙雞翼 #川麻雞脾扒 #foodloversdiary #九龍灣 #九龍灣美食 #nearD好西
今篇就同大家講下凱悅既餐飲💁🏻♀️，由於個package 包哂3餐，所以真係試哂3餐。 ~午餐~ 午餐由咖啡廳提供送上房，有中西印餐揀，我哋揀咗一個海南雞🐥飯同埋咕嚕肉飯，2個甜品都係芒果🥭布丁。 坦白講，呢餐質素係失望既😞，如果係普通連鎖餐廳，我覺得仲可以收貨，但以酒店而言，真係唔太掂。 海南雞啲份量係多，不過肉質唔算滑嫩，但醬汁整得唔錯。最大問題係個油飯，太乾太硬😩，真係要溝住湯食先ok。而個咕嚕肉偏肥，瘦啲會比較好，因為佢炸得都幾硬下。最後個芒果布丁真係出咗事，味道ok，但佢唔夠滑，內裏好多氣泡🤯，所以唔好俾佢個樣呃咗。 味道👍：4.5/10 ~晚餐~ 比起午餐，晚餐情況好好多，雖然都係由咖啡廳供應。不過晚餐既中菜由凱悅軒提供💁🏻♀️，相信應該好過午餐既。 其實本身晚餐唔係三文魚，因為佢轉咗menu，但酒店方面好好，知道咗我媽咪唔食牛肉後，幫我哋轉咗三文魚☺️，所以呢餐食得好滿意。 三文魚份量好大條好厚，肉質好juicy，不過有啲位置偏燶，而西蘭花烚得好爽脆，食完真係超級飽😚。佢仲配埋甜品芝士蛋糕，呢次甜品好食好多，真係大滿足。 味道👍：8.5/10 ~自助早餐~ 自助早餐就冇咩特別，同一般酒店差唔多，但估計因為要防疫，所以佢分咗2邊，其中一邊啲款式好似多啲，因為我到有窩夫🤣，但我嗰邊冇。 不過佢今次早餐食得好趕，得一個鐘，唔可以舒舒服服坐喺到嘆下，呢點就有啲失望喇。 味道👍：07/10 如果俾我揀多次，我應該揀佢個1000蚊餐飲回贈💁🏻♀️，拎嚟試Hugo's 或凱悅軒都唔錯。 #hyatt #hyattregency #hyatthk #hyatttst #staycationhk #staycation #foodloversdiary #酒店 #neard好西 #尖沙咀 #尖沙咀美食
兩位90後女仔 : KK🐱& YY🐑 Open🍚LV3 平時鐘意食野同去旅行✈️ 🇭🇰🇨🇳🇹🇼🇰🇷🇯🇵🇬🇧🇹🇭🇦🇺🇮🇹🇵🇱🇵🇪 同大家分享各國美食😍 ig: food_loversdiary
726 Followers
98 Followings
926 feeds
:background_color(white)/https://avatar-storage.neard.com/4816fdeff6c69bec54d7603497ca1f5b.20200918045141.1600404701.1679.jpeg)
177 Followers
3 Followings
228 feeds
:background_color(white)/https://avatar-storage.neard.com/profile.2942.1636741632813.png)
/https://static.neard.com/images/app/district-covers/hk/%E6%B2%99%E7%94%B0%E5%8D%80.jpg)