(轉貼) 天水圍既女仔見到要小心哩個白頭阿伯！！！ 話說系天水圍西鐵站落扶手電梯後，我系輕鐵嘟完八達通準備轉身同我老公講野，點知哩個伯突然系我同老公中間閃出，一野撞埋我度嚇得我講咗句（嚇死人咩），但佢只系望左我一眼走左去，甘我心諗當敬老，算！後尾我系銀座落車，我老公系我左邊行，我跟住用右邊近鐵路果個出閘機因為見無人用，我又系嘟完轉身想同我老公講野既時候，都未轉完就有人一野用手打落我左邊屁股度🤯🤯🤯一望又系哩條白頭伯！我今次唔忍喇，好大聲講你做乜打我屁股！我老公都即時講你第二次掂到我老婆，非禮牙！但白頭伯對唔住都無句就講（第一次你唔出聲話我？）🤬🤬🤬正常人打到人都會話唔好意思唔系有心啦，仲要打到人屁股，我老公嬲到報警，跟到佢去HSBC 我地好大聲講報左警你走都無用，佢先停低話自己唔系有心，系趕住去買野所以撞到我又打到我喎😒講真果個感覺系好特登打，因為系無掂度我左邊手同背脊，直接打落屁股，如果人多撞到人應該好似佢第一次甘撞到我左手，我話返佢（系咪見我第一次算數當我唔敢話你？姐系成日甘樣打其他女仔屁股啦！），之後佢應該知我地真系報警，所以驚話自己70幾歲系清白人事，又問我想點？大佬呀……你撞完一次又打多次屁股對唔住都無，仲要加句我第一次唔話你，而家你仲問返我想點？？🤷‍♀️ 咪就系報警囉，唔好系度恃老賣老！ ps: 結果系警察來太慢，我地又蠢左掛住話佢無開錄影，佢之後好快走鬼左跟甩左，警察黎到落左案話佢動作太醒，無打開手掌拍落去，系拳頭打落黎，所以無甘猥褻叫襲擊會貼切啲🤔話落左案，如果再見到佢再報警。 #轉 #天水圍