#2020回顧 #遊山玩水 #行山 #本地遊 #西貢 #東龍洲 見個個都寫2020回顧，我又想講下自己今年嘅感受，同埋多謝大家入群分享，有你地真好！ 一齊傾下行山，大家都咁friendly😚 今年疫情關係，假日週末去多咗西貢，行沙灘、划獨木舟、玩企板、去浮潛、曬下太陽、浸下水。 最難忘🤭我本身一次都未去過東龍洲，但我去左第一次之後，足足去左四次咁多，每次去完返去同朋友、同事、屋企人講東龍島好靚，好好玩，佢地聽完又會話好想跟埋去，所以我竟然由一個唔識嘅行山友唔變左好熟路嘅領隊。雖然去過咁多次，但每次行山都有唔同嘅經歷，同每個朋友行都有唔同嘅變化，呢個就係行山嘅奧妙神奇之處，愈行愈愛。 香港郊區真係好靚，今年行山行到石澗，初頭行到腳震震，到依家個個禮拜行，行到依家好似忍者咁左右左右跳。😌 今年真係鍛鍊自己嘅很大進步的一年！曬到全身黑到水上人咁，但好開心，覺得自己進步左，健康左。 多謝大家入呢個群，今年其中一個成就開左呢個群，開頭自言自語，到依家睇好多朋友都分享行山，好開心🥳 希望大家都鍾意呢度，一齊輕鬆講下行山咁。 分享今年幾張香港影嘅郊遊打卡相，大家又有冇啲相影完覺得靚嗰啲呢？ 可以一齊出個post #2020回顧 分享幾張行山相、留個回憶一齊開心過2020，迎接2021 😃～～