未 FC，不過藤原浩本身都熟舊裝 ROLEX，唔太信佢會比人呃到 #藤原浩 #ROLEX #5513 #SUBMARINER #fujiwarahiroshi 藤原浩買錯假 Rolex？！ 究竟勞力士軍潛 5517 正貨應該係點？ 日本潮流教父嘅藤原浩向來都鍾意收藏名錶，Rolex 係其中之一。不過最近真係「老貓燒鬚」，事源係佢剛剛喺 IG 上 post 出一張估計係剛剛入手嘅 Rolex 軍潛 5517，但隻錶竟然係假？！究竟真錶應該係點？以下就同大家講解一下。 藤原浩買錯假Rolex？！ 日本潮流教父嘅藤原浩剛剛於今日喺其個人IG上大曬剛剛入手嘅 Rolex 軍潛 5517，但仔細啲望望，好似有啲奇怪喎，然後筆者都即刻搵嚟身邊嘅古董 Rolex 專家朋友望一望，大家都 100% 話隻錶係假嘅。首先錶面上嘅圓圈同「T」字都比正貨「幼身」同「瘦」。 另外塊「片」，即係個錶面，同原裝唔同，可以話完全冇原裝嘅特徵，因軍潛5517只有兩種面盤，一種係俗稱Pre-Comex面盤，特點係皇冠左右形態不對稱，相當容易辦認。另一種係俗稱Maxi Dial面盤，特點係夜光點異常大，但藤原浩所買嗰隻並非上述兩種其中一種，代表佢隻錶並非原裝嘅「片」。軍潛5517原裝面盤市價約$40萬左右，而呢塊「片」唔知藤原先生俾人呃咗幾多錢啦，今次藤原浩先生真係「老貓燒鬚」啦。