《保養品空瓶記錄》 kk係保養品呢類入面用得最多嘅一定係清潔面膜😂因為之前都有同大家提過kk係屬於混合性偏油嘅暗瘡肌😂😂所以清潔面膜對kk黎講係保養入面好重要嘅一環 #innisfree火山泥面膜 呢個innisfree 嘅火山泥清潔面膜係kk第一次試🙈但用落感覺就還好🙈不過不失咁😂因為同kiehl’s 、glamglow呢兩個brand 嘅清潔面膜比，佢嘅清潔力相對比較弱🤔唔係太感受到佢嘅清潔力😂會吸到油脂但唔係點推到白頭岀黎🤔同埋用完果下唔會好似其他兩個咁有一種毛孔疏通左嘅感覺🙈不過佢嘅好處就係佢比其他兩個溫和，所以偏乾但又想要啲清潔力嘅人，佢就係一個唔錯嘅選擇💗同埋佢價錢都比較平🙈cp值會比其他兩隻高少少 性價比✴：8/10 推薦度❇：7/10 想睇多啲kk同yy嘅makeup 同skincare share㩒呢個tag 就得啦 👉🏻 #kkyymakeup #foodloversdiary #美妝
~逸東軒~ Book咗枱同媽咪去食飯，我哋一共叫咗5款點心同埋一份商務套餐(一位用)，結果當然食唔哂🤣，要打包走，埋單600蚊，以酒店價格嚟講，我覺得合理🤪。整體用餐體驗唔錯，下面簡單同大家介紹下~ ✅ : 1️⃣京蔥和牛酥餅 真係必叫，非常好食😍。肉汁好多，皮夠薄夠酥脆，一咬開勁多餡，媽咪食完大讚。 2️⃣酥皮叉燒焗餐包 雖然叉燒份量唔多，但都好值得叫嚟食，佢個包好漲卜卜，個皮做到好鬆化😚，新鮮熱辣好好食。 3️⃣春風得意脆皮腸粉 佢係一層腸粉皮包住蝦春卷，第一次見呢個配搭，又幾唔錯😝，外軟內脆。 4️⃣話梅車厘茄 呢個真係不得了😍，好特別，食落酸酸甜甜，話梅味好濃，超開胃，3粒唔夠食，如果佢有一碟叫，我一定要叫一碟，超好食! ❌ : 1️⃣ 豉汁煎鳳爪 呢個真心唔掂😨，係我食過最差既豉汁蒸鳳爪。一上嚟隻色望落都唔掂，唔夠上色。食落有陣雪味，味道都唔夠，又唔夠淋，我哋食咗一條已經唔想再食🙃，希望佢會改進下。 其他野我哋覺得都唔差，不過冇咩大驚喜，商務餐正常水準發揮，希望快d開返晚巿堂食😭，想試下佢夜晚啲小菜~ 味道👍 ：08/10 CP值💰：08/10 環境🍽 ：07/10 #逸東軒 #逸東酒店 #yattungheen #eatonhotel #foodloversdiary #neard好西 #佐敦 #佐敦美食
~Hotel Icon~ 之前食過Hotel Icon既中菜廳，感覺幾唔錯，今次就試下佢個 #巴黎之約浪漫下午茶，睇下質素如何。呢個tea set都唔算平，2個人要688蚊加一😳，外型係巴黎鐵塔，賣相都唔錯。不過啲食物質素就比較參差喇🤪，唔係樣樣都好食。 ✅: 1️⃣英式傳統鬆餅 好鬆軟，好香牛油味😚，配埋clotted cream and jam，真係無得頂。 2️⃣英式芝士多士 好脆，好濃芝士味，係咁多款鹹點當中表現最好嗰款。 3️⃣意式士多啤梨芝士玫瑰撻 中意佢有唔同層次既味道，外層花瓣偏甜，但入面偏酸，兩者加埋一齊嚟食，味道啱啱好~ 4️⃣雜莓心形朱古力 佢用咗黑朱古力，啲慕斯酸酸甜甜，唔錯。 5️⃣意式雲呢拿奶凍 個人最中意呢款甜品😚，好重雲呢拿味，佢比平時食既奶凍稀，但奶味依然重，啱哂我。 ❌： 1️⃣焗火腿芝士三文治 佢喺一塊好乾既西多士上面配咗一塊parma ham，乾到冇人有🙃，又冇芝士味，我情願食普通芝腿治。 2️⃣香草鮮茄芝士串 又唔可以話佢伏，但好hea🤨，佢用咗片塊芝士，唔講會以為係野餐啲小食。 3️⃣士多啤梨馬卡龍香檳啫喱 呢個係全場最伏😡，我未食過咁難食既macaron。切開嗰下都知中伏，勁甜勁硬，冇杏仁味，我冇諗過酒店出品既macaron可以咁難食。 整體嚟講普普通通喇，呢個價真係貴咗啲，食物質素冇想像咁高，不過佢呢個tea set會送la maison du chocolat😍，開心返少少。 味道👍 ：07/10 CP值💰：06/10 環境🍽 ：09/10 #themarket #hotelicon#hoteliconteaset#green#唯港薈 #hoteliconhk #foodloversdiary #nearD好西 #尖沙咀美食 #尖沙咀 #酒店下午茶 #下午茶 #愛情 #love #情人節
~ 只zi ~ 今次就去左呢間叫只zi嘅cafe啦🙈食物嘅質素個人感覺都唔錯，同埋佢嘅環境好啱同朋友傾計👍🏻係一個都算幾值得去試嘅樓上cafe 水牛城雞翼配藍芝士醬($5️⃣8️⃣) 呢個係呢餐入面嘅最愛🙈因為佢個醬汁真心幾正👍🏻食落酸酸甜甜又帶點辣❤️❤️加上啲雞翼佢炸得都幾正常👍🏻所以食落都令人覺得幾開胃幾惹味👍🏻不過佢唯一不足嘅係佢基本上食唔到藍芝士醬嘅味道😂所以個人覺得呢點有少少可惜 香烤櫻花蝦新鮮大蜆牛油香蒜意大利麵($9️⃣2️⃣) 呢個意大利麵都唔錯👍🏻大蜆食落都算正常🙈意大利麵又煮得啱啱好👍🏻最重點嘅係佢真心好香蒜味👍🏻食落啖啖都有香蒜嘅味道🙈🙈雖然相對其他比較油少少，但整體食落都唔錯😊值得一試 脆焦糖抹茶卡布奇諾 ($6️⃣0️⃣) 呢杯飲品都幾唔錯👍🏻焦糖味好夠香好夠甜👍🏻飲落仲食到少少脆焦糖💕而且杯飲品嘅抹茶味超級夠👍🏻但因為有焦糖嘅甜味中和，杯抹茶濃得黎又唔會太苦❤️❤️兩者真心幾夾 味道👍：07/10 價錢💰：07/10 環境🍽：09/10 #只zi #樓上cafe #文青cafe #foodloversdiary #尖沙咀 #尖沙咀美食 #nearD好西
兩位90後女仔 : KK🐱& YY🐑 Open🍚LV3 平時鐘意食野同去旅行✈️ 🇭🇰🇨🇳🇹🇼🇰🇷🇯🇵🇬🇧🇹🇭🇦🇺🇮🇹🇵🇱🇵🇪 同大家分享各國美食😍 ig: food_loversdiary
177 Followers
3 Followings
228 feeds
:background_color(white)/https://avatar-storage.neard.com/profile.2942.1636741632813.png)
/https://static.neard.com/images/app/district-covers/hk/%E6%B2%99%E7%94%B0%E5%8D%80.jpg)