沙田想食黃店西餐？馬鞍山都有間！推介我最愛嘅 Puzzle Dining& Cafe!! Yes~ They are back!! 荔枝汁燒春雞勁juicy，沙律小食拼果條芝士棒係外脆內軟，女友人對「拉芝」非常滿意，最後整番個招牌「姑姐心太軟」，走果陣老闆太客氣，話新開張仲有好多未執整好，送支紅酒比我哋！ Mark 定懲罰祭，再大大懲罰佢啦！💪💪💪💪 Puzzle Dining & Cafe 地址: 馬鞍山鞍祿街18號MOSTown新港城中心(5期)地下G30號舖 *^即係海栢花園行前小小十字路口位呀電話: 63988678 #沙田 #黃店 #馬鞍山 #懲罰祭 #黃色經濟圈 #餐廳

沙田友必撐 Puzzle Dining & Cafe 🖐 我至愛既沙田黃店 Puzzle Dining & Cafe 7月25 last day！😭😭😭 好唔捨得!! 希望佢地可以搵到其他舖位...大家可以幫忙支持下? #沙田黃店 #沙田 #黃色經濟圈 #馬鞍山西餐 #馬鞍山咖啡店

話說今日返工，去到沙田站嗰時有個妹豬捉住個阿返，話佢偷拍人。當阿叔想係沙田站衝出去，妹豬妹勇咗一手拉住佢個手拉車，門口個西裝友頂住度門，幫我爭取時間。我一個箭步上前，右手作爪，一手爪實阿叔左邊三角肌前後兩處，阿叔隻右左手已經冇力，前有西裝友，右手又被妹豬牽制住。阿叔把心一橫，正所謂惱羞成怒，怒從心上起，惡向膽邊生，右手一嘢甩開妹豬，打算撞向其他人再走佬，太天真啦，細佬我右腳一轉，重心一移，身影就出現係阿叔逃走嘅必經之路上，右手輕輕一舉，阿叔條頸就自己撞落我隻手度，係佢回唔切氣嘅一𣊬間，右手一收同時化掌，放喺佢個心口上面，輕輕一推，已經後退至門口位置，細佬我乘勝追擊，單手壓制成就達成。火車正駛向大圍站，阿叔一邊話自己冇事，冇偷拍，我諗西裝友唔想出聲，妹豬又驚驚地咁，於是單手壓制緊嘅肌肉個性型男，即係我，講咗句「冇問題咪比部手機大家睇下囉，一係去到大圍站叫職員幫你。」阿叔唔聽不特止，仲打算發爛，正當我考慮緊要唔要係要胸腔使加壓力，等佢冷靜少少嗰時，另一個阿叔企咗出嚟。「我見住你影，下個站陪我落車！」阿叔呢霸王色霸氣，就好似當年學識獨孤九劍嘅令狐沖遇上獨孤求敗咁。呢個時候偷拍阿叔自知衰咗，所有惡氣都頹廢咗，只不過佢係要向我講一句「你有乜資格叉我條頸，你又唔係差佬！」係收功嘅時候我都唔想講太多，只係冷冷講咗句︰「係你條頸撞落隻手度，差佬教嘅。」西裝友忍俊不禁。去到大圍，阿叔認衰，話肯比大家睇手機，可以刪相。係打開相薄嘅時候，我發現原來佢成個相薄都係偷拍相，主要係腳同手臂。呢個時候偷拍阿叔想熄機扮冇事，可惜棋差一著，因為佢用 SONY 機，開關制係機身旁邊，我再一次右手化爪。呢個時候我諗起偶像 Michael Jordan 所講，只係要姆食中三指出手，十拿九穩，姆食中三指一出，三分歸元氣一用力，機又熄唔到，手又拎唔開，單手壓制 DOUBLE KILL。呢個左手一揮，職員彈射而至，細佬我已經唔需要壓制住佢，右手開放，留低咗一句說話「唔好打算走，你知道我追到你，到時就唔係咁簡單。」場面有啲混亂，妹豬又驚驚地，係大致講完成件事之後，職員問我哋點做，因為拎咗首殺同 DOUBLE KILL 嘅我可以話事，我決定比妹豬決定，妹豬話阿叔刪晒所有相就得。職員睇住阿叔刪相，阿叔仲要拖拖拉拉，想一張一張刪，呢個時間職員一喝一句︰「人哋比緊機會你呀！快啲啦！」正義阿叔都講咗句︰「你要逐張刪，我陪你玩到今晚！」於是阿叔死死地氣將手機今面三萬幾張相刪晒，我不甘示弱，冷冷講咗句「你唔刪晒佢，我幫你物理格式化。」當四個職員包圍阿叔，妹豬彷似驚魂未定，細佬我一個箭步上前，輕輕拍一拍佢，用堅定眼神以示鼓勵。我輕拍西裝友同正義阿叔，以示 GOOD JOB，眼見所有事都步向結束嘅大直路，我決定事了拂衣去，深藏功與名。 P.S. 做好事就要好似妹豬咁，唔好怕，因為只要做嘅嘢係