#大埔 #大刀屻 #行山 想睇芒草，但又唔想到人山人海嘅大東山？經過我一番搜索後得知大刀屻都有唔少芒草，所以今日就嚟同大家介紹。 雖然呢座山係網上被稱為高難度嘅山，並唔適合新手，但佢嘅美景卻不幸地深深咁吸引住我呢名行山初哥～最後我「勉勉強強」咁行完，「饒幸地」生存落嚟分享呢篇文章比大家。沿路確實有唔少芒草伴隨住美景，真係不枉此行！ 路程高低起伏 坐車到嘉道理農場後過對面開始登山，開始冇耐已經要不斷行樓梯同斜路，幾乎冇喘息嘅機會。離開樹蔭上到山路主段後，沿途有好多芒草，登上山脊嘅初段會有一個相對遼闊嘅位置可以睇到新界嘅景色。登山途中不時回首，你會影到你行過嘅一座又一座高高低低嘅山丘以及一啲新界景色，滿足感都幾大。 到達咗猶如刀刃的山脊，係最能代表大刀屻嘅打卡位。低炒，將宏偉嘅天空攝入相中，記低獨一無二的時刻。 大刀屻水牌 大刀屻高：566米 全程時間：4-5小時(包影相) 注意地方：如果同是初哥要帶多啲水，因為路程頗長，初段有好多上斜嘅路同樓梯，體力消耗頗大。而且幾乎全都係山路石路，近山脊位置嘅路同樓梯旁邊都係懸崖，要穿著適合嘅行山鞋上山，避免發生意外。 最後，自己垃圾記得自己帶走，請愛惜大自然！ - Personal Instagram: instagram.com/c.wnt #去nearD #nearD靚景 #好去處 #打卡 #localtravel #本地遊 #放假做咩好 #運動