吾知大家知吾知九龍灣德福新開左間namco 入面除左最basic 有得夾公仔同玩遊戲機 仲有個全新嘅遊樂場🤩 一開始見到人地玩個巨型保齡玩到好high 吸引左我同男朋友入去 入面主要係以運動為主 有以射箭乒乓球足球籃球等嘅運動為主題嘅遊戲 仲有兩款係玩平衡力嘅 睇落好似好hea 但玩完攰到癲左😂 入面全部設施任玩 成人入場費係首半小時$80 之後每半小時$60 可以約埋三五知己去玩 放下電⚡️ 不過溫馨提示 記得玩之前去定厠所 因為入左去就開始計時冇得暫停 同埋有啲遊戲係要除鞋嘅 所以記得著襪嗰日先去 吾好著涼鞋拖鞋去喇😌 #本地遊 #香港 #九龍灣 #namco #遊戲 #運動 #放假做咩好 #好去處 #打卡 #localtravel #explorehongkong #親子 #放電 #拍拖節目 #holiday