《屠・姐上錯身》 又係Blumhouse ，又係校園生活，唔知大家仲「驚」完未？呢套應該會俾返好大信心大家，可以話極迎合到大眾口味嘅斬殺式恐怖笑片！ 以我呢位非專業嘅平民百姓嚟講已經達到： 笑位：90分 驚嚇位：79分 節奏感：95分 用大量笑點、快狠準嘅血腥、少量jump scare加超自然力量去包裝。呢個配搭非常平衡！三級血腥嘅部份唔多，但一有嘅時候，啲血液係毫不吝嗇咁樣供應！啱哂練膽嘅初哥入門。 我係衝住《死亡無限LOOP》導演Christopher Landon而嚟，果然係冇令我失望！一如以往將佢擅長嘅「超自然斬殺恐怖喜劇」塑造得十分有追看性。雖然身體互換嘅情節唔係咩新鮮事，但當中性別對調產生各種嘅笑料非常給力！借鑒咗唔少《死神來了》、《黑色星期五》、《奪命狂呼》嘅恐怖殘殺元素， 但又不失《搞乜鬼奪命雜作》級嘅笑料，睇到好過癮！ Christopher本身係一個同性戀者， 佢不但無避而不談， 而係「自嘲式」將呢個話題融入戲中，當佢拿捏呢啲內容嘅時候，導得別有一番Gay味！加埋換上少女心嘅喜劇天王 Vince Vaughn，嗰種舉手投足，咬哂手指，怕羞又含情脈脈對住佢男神嘅場面又cute又抵死！特別係兩條佬喺車廂調情嗰段戲，我個心大叫「OMG！」，聽到全場都一齊笑緊。 「完整性」？ I don’t care， 部份人或者會挑剔完整性， 我又想反問返「搞乜鬼奪命雜作」會唔會有人問點解有「咒怨嘅伽椰子」， 睇呢類型嘅電影為一個字「笑」， 呢一個鐘頭四十幾分鐘簡直係解壓嘅首選。 總括嚟講， Christopher 繼《死亡無限LOOP》後又為重新定義左新嘅恐怖血腥電影， 除咗小朋友同勁抗拒血腥嘅觀眾之外，相信大部份嘅觀眾都會睇到幾滿足。推介入場觀看！如果好鍾意睇血腥又好笑嘅恐怖片可以睇埋2010《Tucker & Dale vs. Evil》，血腥得嚟又唔會太大壓力！ #小龍女 名稱: 屠・姐上錯身 (Freaky) 片種: #喜劇 #動作 #驚慄 導演: #ChristopherBLandon 主演: #VinceVaughn #KathrynNewton #AlanRuck #UriahShelton #KatieFinneran 級別: III級 上映: 2020年11月12日, Thu (公映) #universalpictureshk #屠姐上錯身 #Freaky #死亡無限loop #HappyDeathDay #SupernaturalSlasherComedy #換人殺砍砍 #電影 #影評 #電影語錄 #電影推薦 #moviequotes #moviereview #hkig #852 #movie #hkg #電影觀後感 #電影台詞 #hkmovie #instamovies