咩軨勁到鎖唔到車？第一城鎖車隊有對手了。 周街亂泊車會被炒牌，在私人屋苑違泊更會被鎖車，司機要交罰款，架車先會解鎖。但在老牌私人屋苑美爭新邨，竟然有一輛違泊私家車避過鎖車厄運，究其原因，原來同條車軨有關。 網民Nik Estnos在Facebook群組「Mei Foo 美孚」貼出一張相片，相片顯示一輛白色七人車停泊在路旁，樓主在原帖中說：「保安話朝頭早已經想鎖佢，但係條軨鎖唔到.........」 帖文引起網民熱議，有人說「佢條軨真係鎖唔到喎」，有網民更指「學到野，抄底(低)」，笑言「下次換這種Ling(軨)」。 不少網民紛紛提出應對方法，例如「用水馬重重包圍佢」、「直接拖去劏車場」、「買條鐵鏈鎖住咪得囉」、「唧起架車又得」；亦有網民倡議「去第一城學下野啦」、「裝備同技術問題~去第一城照鎖比你睇」。 翻查資料，沙田第一城屋苑有鎖車隊，每當有司機違例泊車，鎖車隊便會極速鎖車，因而被謔稱為「鎖車城」。 #第一城 #鎖車城 #鎖車隊 #鎖車