韓國男神金秀賢早前主演嘅韓劇《雖然是精神病但沒關係》爆紅，最近就傳出佢有望出演 Netflix 劇集《Finger》！ 金秀賢早前主演嘅韓劇《雖然是精神病但沒關係》爆紅，劇集播出時討論度非常高。 早前就傳出金秀賢有望出演 Netflix 劇集《Finger》。據指《Finger》被稱為韓版《美色殺人狂》，係一部懸疑劇，講述外表完美，年輕有為嘅知名建築師其實內心有缺陷，擁有反社會人格，係一個連環殺人犯。而金秀賢有望出演內心充滿傷痛，擁有多重人格障礙嘅男主角。對於出演傳聞，金秀賢所屬經紀公司表示劇本係收到嘅作品邀約中之一。 「外表完美、年輕有為」根本就係形容緊金秀賢！加上佢嘅演技實力，絕對可以演繹得非常出色～ 金秀賢一直以來出演嘅角色大多陽光溫暖，性格善良，如果真係順利出演「殺人魔」呢個角色，相信會引起迴響。 #金秀賢 #Netflix #Finger