劇情就講到羅樂林(暗諷黃絲)，為咗抵制「接龍集團」(藍店)，決定同家人朋友一齊杯葛接龍旗下所有產品同服務，奈何接龍業務廣泛，佢哋連枝牙膏都買唔到，最終只能自己整牙膏、耕田養魚，甚至砍柴燒水。喺抵制期間，愛回家一班人咩都唔買得唔食得，只可以買一啲無人識、劣質嘅品牌，生活苦不堪言，而其他人(港豬)呢，就可以享受接龍贈品、優惠，過住輕鬆又美滿快樂嘅日子，仲叫羅樂林「唔好同錢作對」同埋笑佢根本鬥唔贏藍店！ 最後，羅樂林都係抵受唔住接龍嘅誘惑，返返去幫襯接龍，講到呢到，到底係我對號入座，定係tbb單單打打，相信大家都心裡有數。 其實，現實又點會咁悲哀，而家黃店同外國網購咁方便，要抵制藍店有幾難？你估仲係十幾年前反地產霸權年代咩，淨係一間HKTVmall都夠取代你所有廣告商喇。 source: sayno2tvb #愛回家 #CCTVB #TVB