#勵志肥仔 呢條短片當年瘋魔萬千少男少女，片中踩住「子彈仔」嘅肥仔，喺IFC前面飄移過彎，成為熱話。 十幾年後，呢條片最近又被網民抄起，而令人更估唔到嘅係，片中肥仔竟然現真身浮水，仲剖白佢嘅感受。 肥仔Leo話，佢當年讀中一，12歲，神推鬼擁踩住部20吋粗軚參加比賽，自知無乜機會爭到頭位，又因為好鍾意頭文字D，於是就喺IFC彎位表演一下新學招數。Leo 話當年無諗過有咁大迴響，而短片熱爆之後引來唔少人恥笑。不過Leo話，佢而家大過之後，覺得「有陣時做人厚面皮啲仲好，自己對自己做嘅嘢，自己個心會更加堅定，唔會咁容易畀人動搖，件事如果唔發生，可能我嘅人生又會係另外一個故事。」Leo 仲話而家仲有 keep 嗰部單車，以作紀念。 只要唔影響到人，唔傷害別人，就算大人細路，輕狂一下又有咩所謂? youtu.be/J8UB3TdMiW8

頭D上身！肥仔踩車片灣絕技！