回顧袁晴晴 #袁晴晴 拒與警訊之花糾纏？袁晴晴揭模界潛規則 之前捲入盜竊案被判處感化的車模袁晴晴（CoCo）與布偉傑出席美甲店開幕禮，表示喜歡美甲但希望將來開甜品店：「我鍾意整同鍾意食甜品，都想建立屬於自己嘅Brand（牌子）。我都有積蓄，勤力搵錢，希望兩年內開到！之前難啲，依家知名度高咗，我都希望將負面嘅新聞變成正面！」她又透露現正努力練歌和學跳舞，希望轉型做歌手，現正與藝人公司洽談合約，但未落實。 提到早前與警訊之花馬溱禧（Heily）的WhatsApp對話事件，Heily指對話內容「造假」及不認識CoCo，CoCo說：「我哋應該有喺Event見過，正式嚟講唔算識，但佢有我Contact（聯絡電話），2013年嘅時候話自己係Agent（經理人），有啲嘢想搵我做，所以佢話我哋冇聯絡係講大話！」 「我唔係想追擊佢」 CoCo表示經過這次回應後不想再與對方糾纏，又謂自己是看不過眼才會將事件公開：「我唔係想追擊佢，其他女仔咁樣我都會出聲，呢行（模特兒）有潛規則，但都係暗地裏，我未見過有人好似佢咁高調出嚟報警，話畀人問價。」她又提到因對方指她偽造對話，為了證明自己沒有講大話，才將對話公開放上Facebook。 收到另一版本爆粗片 問可擔心Heily追究？CoCo則坦言未驚過：「我放佢電話上網係逼於無奈，係因為啲人話我偽造，呢個號碼係平時記者Contact佢嘅！」她又透露報道出街後收到很多對方的黑材料：「我嘅立場只係想講我嘅事，好似佢之前段爆粗片我收到另一版本，但我冇放出嚟，因為我唔想一沉百踩。」 facebook曾遭人客入侵 提到Heily稱已向律師咨詢意見，若CoCo公開其電話號碼就是影響其工作，可以循民事訴訟去追討賠償。CoCo說：「我相信對佢工作唔會有影響，係佢嘅行為影響工作，佢要訴訟我歡迎，因為我係想反駁佢話我偽造WhataApp呢一點。」她又指自己的facebook賬號曾被入侵：「如果佢真係訴訟，我都唔排除會查佢係咪搞咗啲小動作，不過我都唔想再同佢糾纏，想Focus（聚焦）番喺自己嘅工作。」